जनकपुरधाम । जनकपुरमा ११ वर्षीया बालिकाको बलात्कार पछि हत्या हत्या गरेको आरोपमा प्रहरीले एक भारतीय नागरिकलाई पक्राउ गरेको छ । ति व्यक्तिलाई सोमबार बिहान प्रहरीले सार्वजनिक गरेको छ ।
पक्राउ पर्ने भारतीय नागरिक भारत उत्तर प्रदेश जिल्ला मलिहावाद थाना काकोरी ग्राम पञ्चायत ११ बस्ने ३२ वर्षका दीपु सिंह रहेको धनुषा प्रहरीले जनाएको छ । उनी जनकपुरधाम उपमहानगरपालिका २१ कुर्थास्थित मिश्र र चौधरी इन्डस्ट्रिजमा कार्यरत थिए ।
जनकपुरधाम उपमहानगरपालिका २१ कुर्थाका विनोद पजियारकी छोरी ११ वर्षीया कञ्चन गएको बुधबार आँप वगैँचामा भैँसी चराउन गएको बेला बेपत्ता भएकी थिइन् । उनको अर्धनग्न शव शुक्रबार दुधमती नदी किनारमा भेटिएको थियो ।
भातीय नागरिक सिंहले आँप दिने लोभनमा फकाइ इन्ड्रट्रिजकै पछाडिको बगैँचामा लगि बालिकाको मुख थुनेर बलात्कार गरेको अनुसन्धानबाट खुलेको धनुषा प्रहरीले जनाएको छ ।
आरोपी सिंहले आफूले बालिकालाई आँप दिने प्रलोभनमा फकाएर बालत्कार गरी हत्या गरेको स्वीकार गरेका प्रहरीले जनाएको छ ।
