काठमाडौँ । सरकारले चरमरुपमा गरेको सत्ताको दुरुपयो एवं भ्रष्टाचार र सामाजिक सञ्जालमाथि लगाएको प्रतिवन्धका विरुद्धमा भाद्र २३ गते जेनजी पुस्ताले गरेको शान्तिपूर्ण आन्दोलनमाथि गरेको दमनको अखिल नेपाल ट्रेडयुनियन महासंघ (अन्टुक)ले घोर भ्रत्सर्ना गरेको छ ।

२०८२ कार्तिक १५ गते बुटवलमा सम्पन्न केन्द्रीय समितिको बैठक अध्यक्ष  लोकराज भुसालले एक वक्तव्य जारी गरी सो धारणा सार्वजनिक गर्नुभएको हो । बैठकले मजदुर वर्गको दैनिक जीवनमा परेका समस्या, समसामयिक राजनैतिक परिस्थिले पारेको असर, आगामी कार्यक्रम एवं सांगठनिक कार्ययोजना निश्चित गरिएको भुसालद्वारा जारी वक्तव्यमा उल्लेख छ ।

बैठकले भाद्र २३–२४ गतेको घट्नाबाट मृृत्युबरण गरेका युवाहरूको परिबारलाई उचित क्षतिपुर्ति भरण पोषण र रोजगारीको ब्यबस्थापन, घाइतेहरूको स्वास्थउपचारको पुर्ण ब्यबस्थापन लगायतका विषयमा जोड दिएको छ ।

त्यस्तै जेनजी आन्दोलनको कारण बन्द हुनपुगेका उद्योग, धन्दा, कलकारखाना,  ब्यबसायिक प्रतिषठानहरू ब्यापारिक केन्द्रहरू, शिक्षण संस्थाहरूको पुन सञ्चालनको लागि भरपर्दो वातावरण श्रृजनागर्न आम नागरिक र ब्यवसायिक केन्द्रहरूको सुरक्षाको लागि आवस्यक वातावरण बनाउन माग गरिएको छ ।

त्यस्तै महासंघको महासचिवको जिम्मेवारिमा रहनु भएका कमरेड शालिकराम सापकोटालाई उपर्युक्त पदको जिम्मेवारीबाट बिदा गरी केन्द्रीय सदस्यको जिम्मेवारीमा रहेको छ । महासचिव पदको जिम्मेवारीमा केन्द्रीय सदस्य तथा पुर्व महासचिव धनपति सापकोटालाई जिम्मेवारी दिने निर्णय भएको छ । यसगरी महासंघको केन्द्रीय सदस्य हिरालाल नेपालीलाई दोहोरो जिम्मेवारीका कारण अन्टुकको केन्द्रीय सदस्यको जिम्मेवारीमा रहेर पुर्‍याउनु भएको  भुमिकाको कदर र सम्मान गर्दै बिदा गरिएको छ ।