काठमाडौँ । नेपाल कम्युनिस्ट पार्टी (एमाले) पोलिट व्यूरो सदस्य तथा प्यूठान जिल्लाका निवर्तमान सांसद सुर्य थापाको विरुद्धमा पूर्व सैनिक माधव सुन्दर खड्काले माइतीघरमा व्यानर प्रदर्शन गरेका छन् ।
खड्काले थापाको व्यानर पदर्शन गर्दै– ‘यो पनि हो होइन ? तपाइहरूले यो पत्रकार हो भन्ने कुरामा सरम गर्नुहोस् । यस्ता पनि पत्रकार छन् यो देशमा, पुरानो पत्रकार । वहाँ एउटा प्यूठानबाट आएका पत्रकार, निकै राम्रो काम गर्नुभाथ्यो, तर अहिले नरसंहारकारीलाई जहिले पनि जोगाएर त्यसको त्यसको हण्डी खाने मध्यको यो पनि एउटा हो । यस्तालाई नाङ्गेझार तपाईहरूले गर्नुस्, यस्तोलाई पत्रकार भन्नु भन्दा यस्ता व्यक्तिलाई लगोर पर्याटकीय जेलमा चाँडोभन्दा चाँडो हाल्न हामी सबै तयार हुनुपर्दछ ।’
त्यस्तै पूर्व सैनिक खड्काले माइतीघरमा कांग्रेस नेता प्रकाश शरण महत, माओवादी केन्द्रका संयोजक प्रचण्डकी छोरी गंगा दहालको ब्यानर राखेर बिरोध प्रदर्शन गरेका छन् ।
यसअघि उनले माइतीघरमा राखेको केपी शर्मा ओली, आरजु देउवा लगायतका एमाले–कांग्रेसका नेताहरुको ब्यानर एमाले र कांग्रेसका कार्यकर्ताले हटाएका थिए ।
