दाङ । दाङमा अखिल नेपाल ट्रेड युनियन महासङ्घ (अन्टुक) को जिल्ला भेला सम्पन्न भएको छ ।
केन्द्रीय सदस्य धनपति सापकोटाको प्रमुख आतिथ्यमा २०८२ असोज २५ गते शनिबार सो भेला सम्पन्न भएको हो ।
भेलालाई राष्ट्रिय जनमोर्चाका केन्द्रीय सदस्य तथा जिल्ला अध्यक्ष गणेश आचार्यले शुभकामना दिनुभएको थियो ।
भेलाले हरि थापा अध्यक्ष रहनुभएको ११ पूर्ण र तीन सल्लाहकारसहितको जिल्ला समिति निर्वाचन गरेको छ ।
समितिको उपाध्यक्षमा राजेन्द्र भण्डारी, सचिवमा तुलसीराम पन्थी (कमल), सहसचिवमा नारायण भण्डारी र कोषाध्यक्षमा बुद्ध रामजाली रहनुभएको छ ।
त्यस्तै सदस्यमा गणेश पोख्रेल, चेतुप्रसाद गोराथोकी, कृष्ण खड्का, बालाराम अधिकारी, केदार अधिकारी र तेजबहादुर बाठा तथा सल्लाहकारमा मानबहादुर जिसी, घनबहादुर रोका र चिन्ताप्रसाद पोख्रेल रहनुभएको छ ।
नवगठित समितिलाई अखिल नेपाल युवक सङ्घका पूर्व कन्द्रीय अध्यक्ष काशीनाथ पोख्रेल, राजमो दाङका सचिव बसन्त पौडेल र अखिल नेपाल शिक्षक सङ्घ दाङका अध्यक्ष रुमालप्रसाद बसेलले बधाई दिनुभएको थियोे ।
हरि थापाको अध्यक्षता, घनबहादुर रोकाको स्वागत मन्तव्य तथा तुलसीराम पन्थी (कमल) को सञ्चालनसँगै सो भेला सम्पन्न भएको थियो ।
