भरतपुर । चितवनमा अखिल नेपाल किसान महासङ्घ (अप्फा) को चौथो जिल्ला भेला सम्पन्न भएको छ ।
केन्द्रीय अध्यक्ष भैरवराज रेग्मीको प्रमुख आतिथ्यमा २०८२ असोज २५ गते शनिबार सो कार्यक्रम सम्पन्न भएको हो ।
राष्ट्रिय जनमोर्चाका केन्द्रीय सदस्य डम्बर पुरीको विशिष्ट आतिथ्य रहेको सो कार्यक्रमका अन्य अतिथिमा अखिल नेपाल जनजाति सम्मेलनका अध्यक्ष निमबहादुर बुढाथोकी, रक्तिम सांस्कृतिक अभियानकी केन्द्रीय सल्लाहकार देवी शर्मा, मूल प्रवाह अखिल भारत नेपाली एकता समाजका गोपाल शर्मा र राजमो नेताहरू विष्णु पौडेललगायतको आतिथ्य रहेको थियो ।
भेलाको उद्घाटन सत्रमा अध्यक्षता लक्ष्मण चालिसेले, सञ्चालन नारायण चालिसेले र स्वागत नरबहादुर केसीले गर्नुभएको थियो ।
प्रमुख अतिथि रेग्मीद्वारा ब्यानर पढेर भेलाको उद्घाटनसँगै मन्तव्य राख्नुभएको थियो ।
बन्दसत्रमा रविशङ्कर चालिसे, मुक्तिराम कँडेल र देविराम शर्माको अध्यक्षमण्डल गठन भएको थियो । सम्मेलनले नयाँ समिति चयन गरेको थियो ।
भेलाले विष्णु पौडेल अध्यक्ष रहनुभएको ११ पूर्ण र तीन वैकल्पिक सदस्यसहित अप्फाको चितवन जिल्ला समिति गठन गरेको छ ।
समितिको उपाध्यक्षमा मुक्तिराम कँडेल, सचिवमा प्रेम गौतम, कोषाध्यक्षमा डिल्लीप्रसाद शर्मा तथा सदस्यमा नरबहादुर केसी, गोपाल शर्मा, केएन शर्मा, एलपी शर्मा, रविशङ्कर चालिसे, सीता शर्मा र नैनसिंह कार्की रहनुभएको छ ।
त्यस्तै वैकल्पिक सदस्यमा भीमलाल शर्मा, भद्रबहादुर र केदार शर्मा तथा सल्लाहकारमा लक्ष्मण चालिसे, देविराम शर्मा र नारायण पौडेल रहनुभएको छ ।
समितिलाई विशिष्ट अतिथि डम्मर पुरी र अखिल नेपाल टे«ड युनियन महासङ्घ (अन्टुक) का केन्द्रीय सदस्य डम्बर केसीले बधाई दिनुभएको थियो ।
