बागलुङबजार । राष्ट्रिय जनमोर्चा बागलुङले ‘राष्ट्रियता र संविधानको रक्षा, सङ्घीयता खारेजीका लागि जनजागरण अभियान–२०८२’ सुरु गरेको छ ।
२०८२ असोज २१ गते मङ्गलबार जैमिनी नगरपालिकाको वडा नं. १ कुश्मिसेरा र ढोरपाटन नगरपालिकाको वडा नं. २ बुर्तिबाङदेखि सो अभियान सुरु भएको हो ।
कुश्मिसेरा
अभियानअन्तर्गत कुश्मिसेरामा सम्पन्न प्रशिक्षण कार्यक्रममा प्रमुख अतिथि राजमो बागलुङका सल्लाहकार तथा जैमिनी नगरपालिकाका नगरप्रमुख नरबहादुर पुन हुनुहुन्थ्यो ।
कार्यक्रममा राजमो बागलुङका सचिवालय सदस्य डिलबहादुर श्रीस र राजमो जैमिनीका नेता चन्द्रबहादुर केसीले मन्तव्य राख्नुभएको थियोे ।
सो अवसरमा राजमो बागलुङका जिल्ला सदस्य ठाकुर शर्मा, हेम केसी, झलक पुन, भवानी पाण्डेलगायतका अतिथिको आतिथ्य रहेको थियोे ।
कार्यक्रम चित्र चापागाईंको अध्यक्षता, कृष्ण थापाको सञ्चालन र त्रिविक्रम शर्माको स्वागत मन्तव्य रहेको थियोे ।
बुर्तिबाङ
बुर्तिबाङमा सम्पन्न अन्तरक्रियामा प्रमुख अतिथि राजमो केन्द्रीय सदस्य गौरीश्वर पाण्डे हुनुहुन्थ्यो ।
कार्यक्रममा राजमो बागलुङका कोषाध्यक्ष दीपक थापा, नेकपा (एमाले) का प्रतिनिधि प्रेमलाल पाण्डे र नेपाली कङ्ग्रेसका प्रतिनिधि चूडामणि शर्माले मन्तव्य राख्नुभएको थियोे ।
तमबहादुर घर्तीको अध्यक्षता, मनबहादुर महतको सञ्चालन र ओमबहादुर क्षेत्रीको स्वागत मन्तव्य रहेको सो कार्यक्रममा जिल्ला र पालिकास्तरीय अतिथिको आतिथ्य रहेको थियो ।
राजमो बागलुङका अनुसार जनजागरण अभियान असोज २१ गते देखि ३० गतेसम्म परिचालन हुनेछ । अभियानअन्तर्गत आठओटा टोली परिचालन हुनेछन् ।
