कावासोती । राष्ट्रिय जनमोर्चा नवलपुरले बडादसैँ, तिहार, छठपर्व, नेपाल संवत्को शुभकामनासँगै समसामयिक विषयमा प्रशिक्षण कार्यक्रम सम्पन्न गरेको छ ।
राजमो केन्द्रीय सल्लाहकार आनन्द शर्माको प्रमुख आतिथ्यमा २०८२ असोज १२ गते आइतबारका दिन सो कार्यक्रम सम्पन्न भएको हो ।
ब्यानर पढेर कार्यक्रमको उद्घाटन गरेपछि प्रशिक्षणात्मक मन्तव्य राख्दै शर्माले जेनजी आन्दोलनका कारणल देश विषम परिस्थितिबाट गुज्रिरहेको बताउनुभयो ।
महँगी, भ्रष्टाचार, कुशासन, बेथिती र राष्ट्रघातमा लिप्त ओली सरकारका कारण यो स्थिति निर्माण भएको उहाँको भनाइ थियो ।
एकपटक फेरि संसद्बाहिरबाट प्रधानमन्त्रीको चयन र संसद् विघटनबाट संविधानमाथि आँच पुगेको धारणा राख्दै उहाँले लोकतन्त्र, गणतन्त्र र धर्मनिरपेक्षताको रक्षाका लागि देशभक्त तथा जनतान्त्रिक शक्तिहरू एकजुट हुनुपर्ने आवश्यकता औल्याउनुभयो ।
सभालाई राजमो केन्द्रीय सदस्य राजेन्द्र ढुङ्गाना, जातीय समता समाजका उपाध्यक्ष लक्ष्मी विक, मूल प्रवाह अखिल भारत नेपाली एकता समाजका पूर्व केन्द्रीय सचिव प्रेम सापकोटा, तराई मधेस जनवादी मोर्चाका केन्द्रीय सदस्य रूपनारायण महतो, अखिल (छैटौँ) की केन्द्रीय सदस्य वर्षा पोख्रेल र नेकपा (मसाल) नवलपुरका प्रवक्ता चन्द्र सापकोटाले पनि मन्तव्य राख्नुभएको थियो ।
सो अवसरमा राजमो केन्द्रीय सदस्यहरू भागीरथ भट्टराई, अखिल नेपाल ट्रेड युनियन महासङ्घ (अन्टुक) का महासचिव शालिकराम सापकोटा, अखिल नेपाल युवक सङ्घका केन्द्रीय सल्लाहकार गोविन्द अम्माई, रक्तिम सांस्कृतिक अभियानका केन्द्रीय सल्लाहकार थुमराज ढुड्गाना, युगदर्शन मिडियाका गोविन्दकुमार शर्माको आतिथ्य रहेको थियो ।
त्यस्तै कार्यक्रममा मूल प्रवाहका पूर्व केन्द्रीय कोषाध्यक्ष मदन शर्मा, अखिल नेपाल किसान महासङ्घ (अप्फा) का जिल्ला अध्यक्ष भीमप्रसाद आचार्य, अखिल नेपाल जनजाति सम्मेलन नवलपुरका अध्यक्ष विकाराम चौधरी, अखिल नेपाल महिला सङ्घ नवलपुरकी सचिव सीता सापकोटालगायतको आतिथ्य रहेको थियो ।
राजमो नवलपुरका अध्यक्ष गिरबहादुर महतराको अध्यक्षता र सचिव मानबहादुर रानाभाटको सञ्चालनमा उक्त कार्यक्रम भएको सम्पन्न भएको थियो ।
