दाङ । राष्ट्रिय जनमोर्चाका कार्यकारी अध्यक्ष रश्मिराज नेपालीले अहिले भएको संसद बिघटन, मन्त्रीपरिषदको गठन जस्ता राजनीतिक घटनाहरू असंवैधानिक भएको बताउनु भएको छ ।
राष्ट्रिय जनमोर्चा गढबा गाउँपालिकाद्वारा आयोजित प्रशिक्षण कार्यक्रममा मन्तव्य राख्ने क्रममा नेपालीले उक्त धारणा राख्नु भएको हो । ‘यो संविधानबाटै जनताको मुक्ति हुन्छ भन्ने त हैन तर तरल राजनीतिक अवस्था संवैधानिक प्रावधानलाई मिचेर काम गर्न थाल्ने हो भने यहाँको सार्बभौमसत्ता समेत नगुम्ला भन्न सकिन्न ।’ नेपालीले भन्नु भयो– त्यसैले अहिलेको राजनीतिक संकट समाधान गर्न संवैधानिक बाटो भन्दा बाहिर जान हुँदैन ।’
प्रशिक्षणमा आफ्नो प्रशिक्षणका क्रममा राष्ट्रिय जनमोर्चाका केन्द्रीय सदस्य तथा जिल्ला अध्यक्ष गणेश आचार्यले २०४७ सालयता बनेका सरकारहरूले गरेको कुशासनका कारण नागरिकमा निराशा उत्कर्शमा पुगेको बेला त्यो भाबनालाइ बोकेर साम्राज्यवादीहरू देशमा अस्थिरता ल्याउन खोजेको र देशको पहिचान नै समाप्त गर्न खोजिएको बताउनु भयो ।
यसैगरी अखिल नेपाल युवक संघका पुर्ब केन्द्रीय अध्यक्ष कासिनाथ पोख्रेलले राष्ट्रिय जनमोर्चाले उठाउँदै आएका राजनीतिक मुद्दा सहि भएको कुरा ऐतिहासिक रुपमा प्रमाणित भएको कुरा बताउनु भयो ।
कार्यक्रममा अखिल नेपाल महिला संघ जिल्ला अध्यक्ष पुर्णिामा आचार्य, राष्ट्रिय जनमोर्चा जिल्ला सदस्य दिनमणि आचार्य, अखिल नेपाल बुद्धिजिबि संघ जिल्ला कोषाध्यक्ष ठाकुर खनालले मन्तव्य राख्नु भएको थियोे ।
प्रशिक्षणमा अखिल नेपाल शिक्षक संघका केन्द्रीय सदस्य लालबहादुर भण्डारी, अखिल नेपाल किसान संघका पुर्ब केन्द्रीय कोषाध्यक्ष प्रेम आचार्य, राष्ट्रिय जनमोर्चा जिल्ला सल्लाहकार गुणनिधि शर्मा, अखिल नेपाल राष्ट्रिय उद्योग ब्यापार संघका जिल्ला सदस्य चिन्ता पोख्रेल, जातीय समता समाज जिल्ला सदस्य सुर्य नेपाली, अखिल नेपाल महिला संघ घढबा गाउँपालिका अध्यक्ष उमा पन्थि लगायतको आतिथ्यता रहेको थियो ।
पालिका अध्यक्ष कपिलदेब खनालको अध्यक्षता र उपाध्यक्ष नबराज शर्माको स्वागत मन्तव्यबाट सुरु भएको थियो । कार्यक्रमको सञ्चालन सचिव टुकमान कुवरले गर्नुभएको थियोे ।
