दाङ । राष्ट्रिय जनमोर्चाका कार्यकारी अध्यक्ष रस्मिराज नेपालीले देश राजनीतिक रुपमा गम्भीर संकटमा भएको कुरा बताउनु भएको छ ।
राष्ट्रिय जनमोर्चा लमही नगर समितिद्वारा आयोजित प्रशिक्षण कार्यक्रमलाई प्रशिक्षण दिदै उहाँले भन्नु भयो– ‘संविधान जिबितै छ तर सरकार बनाउँदा संविधानको ख्याल गरिएको छैन, राजनीतिक संकट पैदा भएको छ।’ वहाँले अगाडि भन्नु भयो– ‘सरकार संकट टार्ने हिसाबले हैन बिभिन्न स्वार्थ समुहका आधारमा बनिरहेको छ । सरकारको संकट समाधान गर्ने भन्दा पपुलारिज्म कमाउनेमा ध्यान केन्द्रीत छ ।’ यो तरिकाले संकट टार्न पनि नसक्ने र संविधानको रक्षा पनि नहुने भयो भने समस्या झन गम्भीर हुने नेपालीको भनाई थियो ।
‘अहिलेको राजनीतिक संकट समाधान गर्न संबैधानिक बाटो भन्दा बाहिर जाने हो भने झनपछि झन संकट थपिदै जान्छ’ नेपालीले भन्नु भयो– ‘देशमा अस्थिरता बढने र वैदेशिक हस्तक्षेप बढने हुदा संकट समाधानको तात्कालिक बिकल्प भनेको संविधानमा टेकेर अगाडी बढनु पर्ने हुन्छ ।’
कार्यक्रममा राष्ट्रिय जनमोर्चाका केन्दीय सदस्य तथा दाङ जिल्ला अध्यक्ष गणेश आचार्य, जिल्ला सचिब बसन्तराज शर्मा पौडेलले पनि प्रशिक्षणात्मक मन्तव्य राख्नु भएको थियोे ।
नगर समितिका अध्यक्ष बासुदेब भट्टराईको अध्यक्षता र उपाध्यक्ष बसन्त आचार्यको स्वागत मन्तव्यबाट सुरु भएको सो कार्यक्रमको सञ्चालन सचिव लेखराज आचार्यले गर्नु भएको थियोे ।
कार्यक्रममा राष्ट्रिय जनमोर्चा जिल्ला सदस्यहरु ठाकुर भण्डारी, सिता पौडेल, कुलचन्द्र पोख्रेल, हरी थापा, अखिल नेपाल शिक्षक संघ जिल्ला अध्यक्ष रुमाल बसेल, अखिल नेपाल जनजाति सम्मेलन जिल्ला सदस्य सुन्दर चौधरी, अखिल नेपाल महिला संघ लमही नगर अध्यक्ष बसन्ता खनाल पोख्रेल लगायतकाको आतिथ्यता रहेको थियोे ।
