टेकराज भुसाल, अर्घाखाँची ।
कुलानन्द बन्जाडे स्मृति प्रतिष्ठानकी संस्थापक एवं संरक्षक गुमादेवी बन्जाडेको स्मृतिमा एक लाख ५१ हजारको अक्षयकोष स्थापना गरिएको छ ।
विश्व मावि ढाकावाङका तत्कालिन प्रअ स्वर्गीय कुलानन्द बञ्जाडेकि श्रीमती गुमादेवीको निधन भएको तेह्रौ्र दिनको तिथिमा बिहीबार आयोजना गरिएको श्रद्धाञ्जली सभामा अक्षयकोषको स्थापना गरिएको हो ।
स्वर्गीय कुलानन्द बन्जाडे स्मृति प्रतिष्ठान द्वारा सञ्चालन गर्ने गरि उहाँको परिवारबाट ‘कुलानन्द बञ्जाडे तथा गुमादेवी बञ्जाडे स्मृति छात्रवृत्ति अक्ष्यकोष’ स्थापना गरिएको छ।
श्रद्धाञ्जली सभामा बोल्दै राष्ट्रिय जनमोर्चा प्रदेश ५ का अध्यक्ष बोम बहादुर खत्रीले स्वर्गीय गुमादेवी बन्जाडेले निरंकुशता विरुद्धको संघर्ष र लोक बाम आन्दोलनमा लागेका नेता कार्यकर्ताहरुको संरक्षणमा पुर्याएको योगदानको चर्चा गर्दै उहाँको असामयिक निधनबाट आफूहरुले भरोसायोग्य अभिभावक गुमाएको चर्चा गर्दै पार्टीलाई ठूलो क्षती पुगेको बताउनुभयो ।
श्रद्धाञ्जली सभामा राष्ट्रिय जनमोर्चाका पुर्ब केन्द्रीय सदस्य शेर बहादुर बिसी, सागर केसी, नेपाल कम्युनिस्ट पार्टी (नेकपा) का प्रतिनिधि बाबुराम खनाल, अखिल नेपाल ट्रेड युनियन (अन्टुक) का कार्यबाहक अध्यक्ष लोकराज भुसाल, अखिल नेपाल शिक्षक संघका महासचिव चक्रपाणी पौडेल लगायतले स्वर्गीय गुमादेवी बन्जाडेको निधनले नेपालको कम्युनिस्ट आन्दोलनलाई नै क्षति पुगेको बताउनुभएको थियो ।
श्रद्धाञ्जली कार्यक्रममा राष्ट्रिय जनमोर्चाका केन्द्रीय सदस्य झबिलाल थापा, जिल्ला अध्यक्ष थम्मन केसी, यमलाल पोख्रेल, राष्ट्रिय परिषद सदस्य खड्क बहादुर थापा, जिल्ला सदस्य कविराम खनाल, अखिल नेपाल युवक संघका केन्द्रीय सदस्य कृष्ण खनाल, अखिल (छैठौं) का प्रतिनिधि टेकराज भुसाल, भुमिकास्थान नगरपालिका १ नम्बर वडाका वडा अध्यक्ष भोजराज खनाल, २ नम्बर वडाका अध्यक्ष बुद्धि बहादुर थापा लगायतको उपस्थिति रहेको थियो ।
बन्जाडेको यहि जेठ २४ गते ७२ बर्षको उमेरमा आफ्नै निवासमा निधन भएको थियो । उहाँ नेकपा (मसाल) को पार्टी सदस्य तथा अखिल नेपाल महिला संघकी नेत्री हुनुहुन्थ्यो ।
