लोकेन्द्र पौडेल ###
चेन्नई, दक्षिण भारत । विभिन्न संगठन परित्याग गरि मूल प्रवाह अखिल भारत नेपाली एकता समाजमा प्रवेश गरेका छन् । अगस्त १७, २०२५ का दिन उहाँहरूले संयुक्त रुपमा मूल प्रवाहमा प्रवेश गर्नुभएको हो ।
प्रवेश गर्नेहरूमा पदम नेपाली, जीवन नेपाली, संजिता नेपाली, कोपीला नेपाली, शुशिला नेपाली, सुदन के.सी., पुजा के.सी., शान्ति नेपाली, लक्ष्मी नेपाली, राधिका खत्री रहनुभएको छ । त्यस्तै मोहन वैद्य निकट रहेको अखिल भारत नेपाली एकता समाज परित्याग गरि डोल बहादुर नेपाली र लक्ष्मी नेपाली मूल प्रवाह अखिल भारत नेपाली एकता समाजमा वापसी गर्नुभएको हो । नव प्रवेशीहरूलाई मूल प्रवाहका केन्द्रीय सदस्य काशीराम शर्माले सदस्यता प्रमाण पत्र हस्तान्तरण गर्नुभएको छ ।
सोही अवसरमा चेन्नई पश्चिम नगर समिति अन्तर्गत पर्ने किल्पाक एरिया समितिको आयोजनामा तिज मिलन कार्यक्रम सम्पन्न भएको छ । अनु नेपालीको अध्यक्षता र संजिता नेपालीको सञ्चालनमा अघि बढेको कार्यक्रममा काशीराम शर्मा, दक्षिण भारत क्षेत्रीय कोषाध्यक्ष लोकेन्द्र पौडेल, क्षेत्रीय सचिवालय सदस्य बुद्विराम पौडेल, क्षेत्रीय सदस्य गोपाल विक, रोम बहादुर सापकोटा, ओमाकान्त शर्मा, जीवन शर्मा, किसोर शर्मा, हरि प्रशाद शर्मा, नेत्रलाल शर्मा, डिल बहादुर जिएम, क्षेत्रीय महिला विभागबाट चन्द्रिका पौडेल, नविना वस्नेत (पौडेल), संझना नेपाली, महिला नगर विभागबाट भवानी खत्री सुनार, रुकमणि परियार, अनिता गिरी, पश्चिम नगर समितिबाट गंगा बहादुर थापा लगाएतले अतिथि आशन ग्रहण गर्नुभएको थियो ।
कार्यक्रममा कलाकारद्वारा गित र संगितबाट र रवि नेपालीले मन्तव्यबाट स्वागत गर्नुभएको थियो ।
कार्यक्रमा महिला विभागबाट चन्द्रीका पौडेल, चेन्नई पुर्व नगर अध्यक्ष ओमाकान्त शर्मा, चेन्नई उत्तर नगर अध्यक्ष गोपा वि.क.ले कार्यक्रम सफलताको शुभकामना दिनु भएको थियो ।
