खिमराज चालिसे
चंडीगढ । भारतको पञ्जाव राज्यको जालन्धरबाट १६ जुलाई २०२५ देखि सम्पर्क विहिन पर्वतका तेजबहादुर उर्फ राजु थापाको खोजी कार्यमा मूल प्रवाहले तिव्रता दिने भएको छ ।
पर्वत जिल्लाको विहादी गाँउपालिका २ नौनादी निवासी पूर्णबहादुर थापाका ४० वर्षीय माइला छोरा तेजबहादुर थापा भनिने तर राजु थापाले भारतमा चिनिने १६ जुलाई २०२५ को विहान १२ बजे ज्योती चौक हनुमान नगर जालन्धरस्थित आफनो डेराबाट काममा जान भनि हिंडेका तर सम्पर्क बिहिन भएपछि परिवारले मूल प्रवाहसँग खोजीको लागि अनुरोध गरेको हो ।
तेजबहादुरले श्रीमती दुई छोरा र एकछोरीलाई अलपत्र पारी सम्पर्क बिहिन भएपछि सर्वप्रथम स्थानिय पुलिस चौकीमा खबर गरे पनि लामो समयसम्म फेलापार्न नसकेपछि परिवारले मूल प्रवाहमा तेज बहादुरका भाई सुर्य थापाले लिखितनिवेदन गरेका हुन् ।
उनी भेटिएमा नजिकको मूल प्रवाहको कार्यालय अथवा श्रीमती सुमित्रा थापा +९१७००९५७९९४, दाजु सूर्य थापा +९१९०४३५ ५५८९२ र रामनाथ पराजुली +९१९८४०६६७५५० मा सम्पर्क गर्न अनुरोध गरिएको छ।
