हैदरावाद (भारत) । मूल प्रवाह अखिल भारत नेपाली एकता समाजका पर्शुराम शर्मा र तेजेन्द्र शर्मालाई हैदरावाददेखि बिदाई गरिएको छ ।
महासचिव प्रेम पौडेलको उपस्थितिमा जुलाई ४, २०२५ का दिन मध्यदक्षिण क्षेत्रीय समितिले एक कार्यक्रमको आयोजना गरी उहाँहरूलाई बिदाई गरेको हो ।
कार्यक्रममा मन्तव्य राख्दै पौडेलले मूल प्रवाहका सदस्यहरू बिदाई भएर स्वदेश जानु सुखद विषय भएको बताउनुभयो ।
उहाँले भन्नुभयो– ‘उहाँहरू दुवैले आफ्नो आस्थालाई डगमगाउन दिनु हुनेछैन भन्ने कुरामा म विश्वस्त छु ।’
सो अवसरमा सङ्क्षिप्त मन्तव्य राख्दै बिदाई हुनुभएका दुवैले यहाँ आर्जन गरेको अनुभव स्वदेश फर्केपछि व्यवहारमा लागु गर्ने प्रतिबद्धता व्यक्त गर्नुभयो ।
मूल प्रवाहका क्षेत्रीय उपाध्यक्ष खिमबहादुर विक, महिला क्षेत्रीय संयोजक पुष्पा पौडेल, सांस्कृतिक विभागकी क्षेत्रीय संयोजक माया थापा, समता समाज केन्द्रीय विभागबाट गगनसिंह विकले शुभकामना तथा बधाई दिनुभएको थियो ।
कार्यक्रमको अध्यक्षता रामप्रसाद पौडेलले, सञ्चालन घनश्याम शर्माले र स्वागत शङ्कर नेपालीले गर्नुभएको थियो ।
