वर्धा नागपुर । प्यूठान नगरपालिका टाडी रापडाँडा, निवासी २३ वर्षीय हेमराज आचार्यको असामयिक निधन भएको छ । उहाँको चेन्नईबाट नेपाल फर्कने क्रममा, महाराष्ट्रको नागपुर नजिकैको बर्धा रेलवे स्टेसनमा निधन भएको प्रत्यक्षदर्शी राम आचार्यले बताएका छन् ।
रेलवे पुलिसले साथमा रहेको कागजातको आधारमा मृतकको पहिचान गरी चेन्नईमा रहेको आफन्तलाई जानकारी गराएको आचार्यले बताए । राम आचार्यले नेपालमा मूल प्रवाहका पूर्व कार्याकर्ता शिव पंथी, पितम्बर पुलामीलाई खबर गरि केहि सहयोगको लागि अनुरोध गरेका थिए ।
समाजका केन्द्रीय अध्यक्ष ठाकुर खनालले बर्धा नगर समितिका अध्यक्ष विजय बिष्टलाई घटनास्थलमा पठाउनु भएको थियो । विष्टले तुरुन्तै घटनास्थल पुगेर सम्पूर्ण अवस्था बुझ्नु भएको थियो । विष्टका अनुसार आवश्यक कानुनी प्रक्रिया अघि बढाउन कागजातहरू नेपालबाट मगाउन पहल भएको थियो ।
संगठनको लिखित जिम्मेवारीमा कानुनी प्रक्रिया पूरा गरि मूल प्रवाह नगरका कार्यकर्ताहरूको उपस्थितिमा वर्धा रेलवे पुलिसबाट औपचारिक हस्तान्तरण लिएपछि हेमराज आचार्यको अन्तिम दाहसंस्कार गरिएको विष्टले जानकारी गराउनु भयो ।
