खिमराज चालिसे, चन्डिगढ ।
भारतको हिसारमा मूल प्रवाह अखिल भारत नेपाली एकता समाजको टोल समिति गठन भएको छ ।
हिसार नगर समितिद्वारा सञ्चालित सिटि एरियाअन्तर्गत जहारनगरमा अप्रिल २६, २०२५ का दिन आयोजित भेलामाझ सो समिति गठन भएको हो ।
भेलामा नगर सदस्य नन्दबहादुर लम्तरीले एकता समाजको आवश्यकताबारे प्रशिक्षण दिनुभएको थियो ।
नवगठित ११ सदस्यीय टोल समितिको अध्यक्षमा नितु खडका, सचिवमा देवी भाटक्षेत्री र कोषाध्यक्षमा हरि सुनार रहनुभएको छ ।
त्यस्तै, सदस्यमा श्याम छहरी, सुशीला, अनिल, तेजबहादुर, कुमारी माया, विनोद खड्का र विष्णु रहनुभएको छ ।
समितिलाई बधाई एवम् शुभकामना दिने वक्ताहरूमा सुदूरपश्चिमोत्तर क्षेत्रीय समितिका अध्यक्ष तारा सोमरे र क्षेत्रीय कोषाध्यक्ष बाबुराम पोख्रेललगायत हुनुहुन्थ्यो ।
कार्यक्रम कुमारी मायाको अध्यक्षतामा तथा नितु खडकाको सञ्चालनमा सम्पन्न भएको थियो ।
