खिमराज चालिसे, चन्डिगढ (भारत) ।
भारतको रोपडमा मूल प्रवाह अखिल भारत नेपाली एकता समाजकारूपनगर र रेलमाजरा एरियाको संयुक्त भेला सम्पन्न भएको छ ।
क्षेत्रीय सदस्य बिलबहादुर गुरुङको उद्घाटनसँगै मार्च २९, २०२५ का दिन सो कार्यक्रम सम्पन्न भएको हो ।
सो अवसरमा मन्तव्य राख्दै उहाँले एरिया समितिको भेलाले सङ्गठनमा नयाँ उर्जा थप्ने विश्वास व्यक्त गर्नुभएको थियो ।
भेलाले रेलमाजरा र रूपनगर सिटी एरियाको छुट्टछुट्टै एरिया समिति पुनर्गठन गरेको छ ।
रेलमाजरा एरिया समिति
नगर सदस्य श्यामबहादुर मल्लले घोषणा गर्नुभएको रेलमाजरा एरिया समिति भोजबहादुर गिरी अध्यक्षसहित १३ पूर्ण, दुई वैकल्पिक र दुई सल्लाहकारसहित १७ सदस्यीय रहेको छ ।
समितिको उपाध्यक्षमा सेतीदेवी मल्ल, सचिवमा कल्पना गिरी, सहसचिवमा मिरा मल्ल र कोषाध्यक्षमा झुपीलाल बिएम रहनुभएको छ ।
त्यस्तै, सदस्यमा नरबहादुर मल्ल, देवबहादुर केसी, बसन्त मल्ल, सीता गिरी, आशा बिएम, विष्णु गिरी, माया केसी, कमला परियार र गोपाल गिरी रहनुभएको छ ।
एवम् प्रकारले वैकल्पिक सदस्यमा राजेन्द्र गिरी र श्यामबहादुर मल्ल तथा सल्लाहकारमा गोमा विक र एक स्थान रिक्त राखिएको छ ।
रूपनगर सिटी एरिया
नगर सदस्य बसन्त थापाले घोषणा गर्नुभएअनुसार भेलाले रामचन्द्र शर्मा अध्यक्ष रहनुभएको १३ पूर्ण सदस्य, तीत वैकल्पिक र तीन सल्लाहकारसहित १९ सदस्यीय रूपनगर सिटी एरिया समिति गठन गरेको छ ।
समितिको उपाध्यक्षमा विष्णु थापा, सचिवमा गौरव मल्ल, सहसचिवमा मिनु बानियाँ, कोषाध्यक्षमा तिलबहादुर थापा तथा सदस्यमा भक्तबहादुर राना, टेकबहादुर महत, गङ्गादेवी शर्मा, तारा देवी, सुनिता राई, विष्णु सुनार, तुलसी र पुष्पादेवी रहनुभएको छ ।
त्यस्तै वैकल्पिक सदस्यमा लक्ष्मी देवी, कलावती महत र कमला बोहरा तथा सल्लाहकारमा लक्ष्मी भट्ट, अर्जुन र रुमा देवी रहनु भएको छ ।
समितिलाई बधाई एवम् शुभकामना दिनेहरूमा प्रमुख अतिथि गुरुङ, नगर समितिका राजेन्द्र गिरी, हरिकला कँडेल, श्यामबहादुर मल्ल, प्रतिक्षा थापा, मदन थापा, छविलाल सापकोटा, लक्ष्मी गुरुङ, भीमबहादुर कार्कीलगायत हुनुहुन्थ्यो ।
कार्यक्रम विष्णु थापाको अध्यक्षता तथा भक्तबहादुर रानाको सञ्चालनमा सम्पन्न भएको थियो ।
