खिमराज चालिसे, चंडिगढ ।
मूल प्रवाह अखिल भारत नेपाली एकता समाज रोपड नगर समितिले निवर्तमान नगर सदस्य एवम् मूल प्रवाह रोपडका संस्थापक नेता दयाराम लामिछाने र महिला नगर सदस्य दुर्गा लामिछानेलाई संगठनबाट बिदाइ गरेको छ ।
नेता लामिछानेले १९९० देखि मूल प्रवाहको सदस्यता लिएर विभिन्न जिम्मेवारीहरू सक्रियता पूर्वक निभाउँदै आउनु भएको छ।
लामिछाने ३१ जनवरी २०२५ को रोपड स्थित थर्मल प्लान्टबाट सेवानिवृत भएपछि मूल प्रवाह रोपडले सम्मान सहित बिदाइ गरेको हो।
समारोहमा लामिछाने दम्पतीलाई मूल प्रवाह रोपड नगर समितिको तर्फबाट सामूहिक रुपमा फूलमाला लगाएर प्रसंशा पत्र र स्मृतीचिन्ह प्रदान गरियो ।
उहाँहरूको स्वदेश फिर्ती र आगामी सुखमय जीवनका लागि शुभकामना दिने वक्ताहरूमा मूल प्रवाह सुदूरपश्चिमोत्तर क्षेत्रीय महिला सदस्य तुलसी थापा, महिला नगर संयोजक हरिकला कँडेल, विद्यार्थी क्षेत्रीय सदस्य प्रतीक्षा थापा, सांस्कृतिक विभागकी रुपा कार्की, महिला नगर सदस्य चन्द्रकला सापकोटा लगाएत हुनुहुन्थ्यो ।
वक्ताहरूले दुवैजनालाई शुभकामना दिँदै लामिछाने दम्पतीले प्रवासमा खेलेको सक्रिय भूमिकालाई देशभित्र अझै सशक्त पार्दै वर्गीय मुक्ति आन्दोलनमा अविचलित र सक्रिय रुपमा लाग्नु हुनेछ भन्ने विश्वास समेत व्यक्त गरेका थिए ।
भीम बहादुर कार्कीको अध्यक्षता तथा मदन थापाको सञ्चालनमा सम्पन्न कार्यक्रममा स्वागत लाल जगनाथ कँडेलले गर्नु भएको थियो ।
दयाराम लामिछाने दम्पती नवलपरासी (पूर्व) को गैँडाकोट नगरपालिका–८ कालीकाचौक निवासी हुनुहुन्छ ।
