खिमराज चालिसे, चन्डिगढ (भारत) ।
भारतको पन्जाब लुधियानामा मूल प्रवाह अखिल भारत नेपाली एकता समाजमा दर्जनौँ नववप्रवेशी प्रवेश गरेका छन् ।
जनवरी ९, २०२५ का दिन उहाँहरू मूल प्रवाहमा प्रवेश गर्नुभएको हो ।
सो अवसरमा मूल प्रवाह लुधियाना नगर समितिले स्वागत कार्यक्रम आयोजना गरी नवप्रवेशीलाई स्वागत गर्नुका साथै सङ्गठनको सदस्यता वितरण गरिएको थियो ।
कार्यक्रममा मूल प्रवाहका केन्द्रीय सल्लाहकार राज कुमार शाहीले नववआगन्तुक नेता कार्यकर्तालाई फूलमाला लगाएर स्वागत गर्नुभयो ।
नयाँ प्रवेश गर्ने सदस्यहरूमा किसन बलयार, करनसिंह नागरिक, जयराम कोली, प्रितम विक, चन्द्र भुल, गोबिंद बिसी, अर्जुन सिंह नागरिक, राहुल ठगुला लगाएत रहनु भएको छ।
समारोहमा मूल प्रवाहका केन्द्रीय परिषद सदस्य अर्जुन कार्की र उदय सिंह चन्द, सुदूरपश्चिमोत्तर क्षेत्रीय सदस्य चक्रसिंह चन्द, समता विभागका भक्त विक, सिटी नगर एरिया समितिका ईन्द नागरिक र लालबहादुर नेपाली तथा सुनौलो युटुबर जगत नेपालीको आथित्यता रहेको थियो।
नगर अध्यक्ष रामचन्द्र पौडेलको अध्यक्षता तथा सचिव गोबिन्द परियारको सञ्चालनमा सम्पन्न कार्यक्रममा स्वागत मान बहादुर विकले गर्नु भएको थियो ।
