खिमराज चालिसे, चन्डिगढ (भारत) ।

भारतको पन्जाब राज्यको सङ्गरुरमा पक्षघात (प्यारालाइसिस) पीडित गोपाल रोकामगरलाई मूल प्रवाह अखिल भारत नेपाली एकता समाजले ७० हजार ६८ रुपैयाँ सहयोग गरेको छ ।

आर्थिक स्थिति निकै नाजुक अवस्था रहेका रोकामगरको दिमागी नसा फाटेको तथा पक्षघातग्रस्त भएको रिपोर्ट अस्पतालले दिएपछि मूल प्रवाहले पीडितको निवेदनअनुसार गर्दै आर्थिक सहयोग गरेको हो ।

सहयोग सङ्कलन अभियानमा मूल प्रवाहको नगर समिति तथा महिला क्षेत्रीय सदस्य, सांस्कृतिक विभाग, महिला विभागका कार्यकर्ताले भूमिका खेल्नुभएको थियो ।

पीडित रोकामगर अर्घाखाँची जिल्ला खत्नेपानी निवासी श्याम रोकामगरका छोरा हुनुहुन्छ ।