काठमाडौं । स्विडेमा नेपाली मातृभाषा अध्ययन गरिरहेका नेपाली विद्यार्थीले देउसी भैलो खेलेर तिहार मनाएका छन् ।
स्विडेनको राजधानी स्टकहोममा नेपाली शिक्षिका रिना ढकालको नेतृत्वमा नेपाली भाषा अध्ययनरत विद्यार्थीहरूले देउसी–भैलो कार्यक्रम सम्पन्न गरेका हुन् ।
नेपाली भाषा अध्ययनरत विद्यार्थीहरूमध्ये देउसी भैलो कार्यक्रममा कृष्मा अधिकारी, सुयोग घिमिरे, रेजिना न्यौपाने, सन्ध्या रावल, प्रजीत शर्मा, सौगात रावल, गौरव घिमिरे, रिराज न्यौपाने, प्रनिषा भट्टराई, इभान सापकोटा, प्रिया पुन, कृती सापकोटा, गरिमा घिमिरे, बिहानी रावल, रोहना कार्की , आयाम रेग्मी, रोजन केसी, नाबिया क्षेत्री, आरबिद थपलिया, आर्यन भट्टराई र साहिल पोखरेल सहभागी भएका थिए ।
कार्यक्रममा साहिल पोख्रेल, सुयोग घिमिरे, रेजिना न्यौपाने, सौगात रावल, गौरव घिमिरे, रिराज न्यौपाने र प्रजीत शर्माले देउसी गीत भटाउने र आशीर्वाद दिन विशेष भूमिका निभाएका थिए भने मनोरञ्जनको लागि रेजिना न्यौपाने, प्रिया पुन र प्रनिषा भट्टराईले नृत्य प्रस्तुत गरे, जसले दर्शकलाई मन्त्रमुग्ध बनायो ।
यस्तै, गरिमा घिमिरे, कृती सापकोटा, बिहानी रावल र कृष्मा अधिकारीको नृत्यले कार्यक्रममा थप आकर्षण र रोमाञ्चकता थप्यो ।
रिराज न्यौपाने र प्रजित शर्माले गितार बजाएर देउसी भैलो कार्यक्रममा अझै रौनकता थपेका थिए ।
बालबालिका र अभिभावकको सहभागिताले रंगिएको यो कार्यक्रममा अभिभावकहरूले पनि उत्साहजनक सहयोग गरे ।
अभिभावकहरुले विद्यार्थीहरूलाई गाडीमा भैलो खेल्न गन्तव्य स्थानसम्म पुर्याउने, पैसाको संकलन व्यवस्थापन, मादल बजाउने र टेक्निकल सहायता उपलब्ध गराएर कार्यक्रमलाई सफल बनाउन महत्वपूर्ण भूमिका खेले ।
नेपाली शिक्षिकाको पहलमा भएको यो कार्यक्रमले स्विडेनमा हुर्कंदै गरेका नयाँ पुस्ताका नेपाली बालबालिकाहरूमा एकतावद्ध गर्न र नेपाली सांस्कृतिक जगेर्ना गर्न तथा भविष्यमा सामाजिक तथा सांस्कृतिक कार्यहरूलाई निरन्तरता दिन सहयोग पुर्याउने विश्वास नेपाली समूदायले गरेको छ ।
