काठमाडौं । प्रगतिशील लेखक संघ (प्रलेस) ले साहित्यकार अनिल शर्मा ‘विरही’ लाई तत्काल रिहा गर्न माग गरेको छ । बुधबार विज्ञप्ति निकालेर प्रलेसले विरहीको गिरफ्तारीप्रति आपत्ति जनाउँदै रिहाई गर्न माग गरेको हो ।

अध्यक्ष जिवेन्द्रदेव गिरि र महासचिव समीर सिंहले संयुक्त रुपमा जारी गर्नुभएको विज्ञप्तिमा स्वास्थ्य उपचार समेत गर्न नदिई विरहीलाई गिरफ्तार गरिएको उल्लेख छ ।

लेखक एवं साहित्यकार विरही नेत्रविक्रम चन्द ‘विप्लव’ नेतृत्वको प्रतिबन्धित नेपाल कम्युनिस्ट पार्टीका पोलिटब्युरो सदस्यसमेत हुन् ।

स्वास्थ्यमा समस्या देखिएपछि मंगलबार चितवनको भरतपुरस्थित पुरानो मेडिकल केलजमा भर्ना भएका शर्मालाई प्रहरीले त्यहीबाटै नियन्त्रणमा लिएको थियो ।