कपिलवस्तु । प्रगतिशील पत्रकार संघ, नेपाल शाखा कपिलवस्तुको जिल्ला सम्मेलन स्थगित भएको छ ।

यही वैशाख २६ र २७ गतेका लागि तय भएको तेस्रो जिल्ला सम्मेलन कोरोना संक्रमण फैलिन नदिन गरिएको लकडाउनका कारण तत्काल सम्भव नभएको प्रगतिशीलले जनाएको छ ।

सहज परिस्थिति निर्माण भएपछि सम्मेलनको मिति पुनः तय हुने अध्यक्ष माधव भाट क्षेत्रीद्वारा हस्ताक्षरित विज्ञप्तिमा उल्लेख छ ।

संगठनले कोरोना संक्रमणलाई फैलन नदिन लक डाउनको पुर्ण पालना गर्नुको विकल्प नभएको भन्दै सबैलाई घरभित्र बस्न अनुरोध पनि गरेको छ ।

प्रगतिशील पत्रकार संघको राष्ट्रिय सम्मेलन पनि वैशाख महिनामै गर्ने तय भएकोमा लकडाउनकै कारण स्थगित भएको छ ।