सुर्खेत । रक्तिम सांस्कृतिक अभियानले कर्णाली प्रदेशमा सञ्चालन गरेको कर्णाली सांस्कृतिक अभियान कार्यक्रम २०८१ अन्तरगत बिहीबार सुर्खेतका चार स्थानमा सांस्कृतिक कार्यक्रम आयोजना गरेको छ ।
आज (२०८१ जेठ ३ गते)का दिन सुर्खेत जिल्लाको गुर्भाकोट नगरपालिका अन्तरगत बोटेचौर, शिवनगर, कृष्णनगर चोक र भेरीगंगा नगरपालिका अन्तरगत जहरे बजारमा विविध सांस्कृतिक प्रस्तुति देखाइएको रक्तिम सांस्कृतिक अभियानका केन्द्रीय अध्यक्ष गिरिप्रसाद बुढाले जानकारी दिनुभएको छ ।
कार्यक्रममा अध्यक्ष बुढासहित राष्ट्रिय जनमोर्चा कर्णाली प्रदेश समितिका अध्यक्ष पूर्णबहादुर शाही र अखिल नेपाल जनजाति सम्मेलनका पूर्वकेन्द्रीय सदस्य पिनु थापाले सम्बोधन गर्नुभएको थियो ।
हरेक स्थानमा रक्तिमका कलाकार टोलीद्वारा विभिन्न जनवादी गीतमा चारदेखि सातवटासम्म नृत्य प्रस्तुत हुने गरेका छन् ।
अभियान अन्तर्गत जनभेटघाट, पर्चा वितरण, आर्थिक संकलन लगायत भइरहेको अभियानले जनाएको छ ।
कार्यक्रममा राष्ट्रिय जनमोर्चा कर्णाली प्रदेश समितिका कटक बहादुर शाही, प्रदेश सदस्य जीतबहादुर घर्ती, अखिल नेपाल किसान संघका जिल्ला अध्यक्ष प्रेम बहादुर ठाडा, राष्ट्रिय जनमोर्चाका जिल्ला सदस्य पार्वती ठाडा, दिपा ठाडा, टेक बहादुर घर्ती, प्रेम गुरुङ, प्रेम ज्ञामी, अम्बी ठाडा, हिरा ठाडा,कमला ठाडा, समरबहादुर ठाडा,ईन्दु पुलामी, नगेन्द्र थापा लगायतका राष्ट्रिय जनमोर्चासँग सम्बन्धित नेता कर्ताहरूका साथै रक्तिमका कलाकार सहितका तिनदर्जन भन्दा बढि नेता कार्यकर्ताहरूको सहभागिता रहेको थियो ।
