कपिलवस्तु । कपिलवस्तुको शिवराज नगरपालिका वडा नं. ३ मधवा निवासी नाथु थारुको निधन भएको छ ।
२०८१ वैशाख २५ गते मङ्गलबारका दिन राष्ट्रिय जनमोर्चाका सदस्य थारुको निधन भएको हो ।
स्मृतिशेष थारुको आज बेल नदी घाटमा राष्ट्रिय जनमोर्चाका जिल्ला सचिव केरसिंह अदैको उपस्थितिमा राजमोको झण्डा ओढाएर सम्मानसहित दाहसंस्कार गरियो ।
उहाँ राष्ट्रिय जनमोर्चा शिवराज ३ मधवा गाउँ समिति सदस्य हुनुहुन्थ्यो ।
थारु पञ्चायत कालदेखि नै कम्युनिस्ट पार्टीमा लाग्नु भएको र आजसम्म कुनै पनि भड्कावमा नपरी पार्टीको विभिन्न कार्यक्रममा योगदान दिँदै आउनुभएकोे थियो ।
श्रद्धाञ्जली कार्यक्रममा बुद्धिजीवी सङ्घका जिल्ला सदस्य छन्दबहादुर केसीले स्मृतिशेष थारुको संक्षिप्त इतिहास र परिवारको बारेमा बताउँदै स्मृतिशेष नाथु थारु किसान आन्दोलनमा सरिक भएको व्यक्ति र इमान्दार भएको बताउनु भएको थियो ।
श्रद्धाञ्जली कार्यक्रममा जातीय समता समाजका जिल्ला अध्यक्ष दिलबहादुर विक, राजमो शिवराज ३ का वडा अध्यक्ष श्यामप्रकाश खनाल, राजमो मधावा गाउँ समितिका अध्यक्ष रामप्रसाद कामी, जातीय समता समाज शिवराज नगर समिति अध्यक्ष मोहन विक, राजमो सदस्य सिद्धिमान केसीलगायतको उपस्थिति रहेको थियो ।
अचानक निधन भएका थारुका तीन भाइछोरा हुनुहुन्छ भने उहाँको जन्म २०१७ सालमा भएको थियो ।
