खिमराज चालीसे, चंडिगढ ।
गुल्मी जिल्लाको छत्रकोट गाउँपालिका–१ हुंगा निवासी २५ वर्षीय इन्जिनियर अनुप पौडेल सम्पर्कविहीन भएका छन् । धरानमा कार्यरत इन्जिनियर पौडेल गएको २०८० फागुन ४ गतेदेखि सम्पर्कविहीन भएको पारिवारिक स्रोतले जनाएको छ ।

छोरा बेपत्ता भएपछि बुवा अनन्तराम पौडेलले मूल प्रवाह अखिल भारत नेपाली एकता समाजलाई खोजीका लागि आग्रह गर्नुभएको छ ।

धरान उप महानगर पालिका– ८ स्थित डेराबाट खाजा खान भनि दिउँसो २ बजे निस्किएका इन्जिनियर अनुप भारततर्फ गएको हुनसक्ने शंकाको आधारमा परिवारले मूल प्रवाहसँग सम्पर्क गरेका हुन् ।

गहुँगोरो वर्ण, उचाई ५ फिट ८ इन्च, तौल ६० केजी भएका अनुप पौडेल भेटिएमा नजिकको मूल प्रवाहको कार्यालय अथवा नेपालमा अनन्तराम पौडेल फोन नं ९८५७०६१७०४ ९८५७०६७७०४ र भारतमा हरिओम +९१९६४६४९६६३६ लाई सम्पर्क गर्न अनुरोध गरिएको छ।