लोकेन्द्र पौडेल, दक्षिण भारत ।
अन्तर्राष्ट्रिय एकताको लागि प्रवासी नेपाली जनताको मञ्च चेन्नई पूर्वपश्चिम उत्तर दक्षिण संयुक्त नगर समितिको आयोजनामा नेकपाको ७६औं स्थापना दिवश तथा विश्व सर्वहारा वर्गका महान नेता कमरेड लेनिनको १५५ औँ जन्मदिवश मनाइएको छ।
कार्यक्रममा प्रमुख अतिथि मूल प्रवाह अखिल भारत नेपाली एकता समाज केन्द्रीय सदस्य केशमा नेपाली, दक्षिण भारत क्षेत्रीय समिति सचिवलय सदस्य काशीराम शर्मा, कोषाध्यक्ष लोकेन्द्र पौडेल, क्षेत्रीय सदस्य तथा पश्चिम नगर समितिका अध्यक्ष बुद्धिराम पौडेलको आतिथ्यता रहेको थियो।
प्रमुख अतिथि केशमान नेपालीले अहिलेको अवस्थामा पनि लेनिनवादी संगठनात्मक पद्धतिको अति महत्त्व रहेको छ भन्दै लेनिनको बारेमा स्पष्ट पार्नुभएको थियो । साथै, नेकपाको स्थापनाकालदेखि नै नेकपाभित्र विभिन्न अवसरवादी तत्त्वहरू खेल्दै आएको र पार्टीलाई तहस नहस पार्ने षडयन्त्र भइरहेको बताउनुभयो ।
नेपालको हकमा नेकपा (मसाल) नै एउटा नेकपाको रक्षक र सच्चा कम्युनिष्ट पार्टी हो भन्दै अहिलेको अवस्थामा कम्युनिष्ट पार्टीलाई बचाएर राख्ने जिम्मा पनि नेकपा (मसाल)को काँधमा रहेको बताउनुभयो ।
त्यस्तै क्षेत्रीय सचिवालय सदस्य काशीराम शर्मा, क्षेत्रीय कोषाध्यक्ष लोकेन्द्र पौडेल, क्षेत्रीय सदस्य तथा पश्चिम नगर समितिका अध्यक्ष बुद्धिराम पौडेल, क्षेत्रीय सदस्य किशोर शर्मा, पश्चिम नगर समितिका कोषाध्यक्ष एकदेव शर्मा, पश्चिम नगर सदस्य प्रकाश विक, पश्चिम नगर समिति सदस्य प्रकाश नेपाली लगायतले शुभकामना मन्तव्य दिनु भएको थियो।
मूल प्रवाह उत्तर नगर समितिका सचिव कोटीप्रसाद पोख्रेलको सञ्चालन तथा नगर समितिका सहसचिव नेत्रप्रसाद शर्माको अध्यक्षतामा सम्पन्न कार्यक्रममा दक्षिण भारत क्षेत्रीय सदस्य रोमबहादुर सापकोटाले स्वागत गर्नुभएको थियो ।
