उद्धब मगर, दोहा (कतार) ।
‘हेल्प मधेशी कतार’ले नयाँ वर्ष वि.स. २०८१ को अवासर तथा हिन्दु धर्मालम्बीहरुको चाड जुड सितलको उपलक्ष्यमा सुभकामना आदनप्रदान तथा सांस्कृतिक कार्यक्रम गरेको छ ।
हेल्प च्याप्टर मधेशका अध्यक्ष रमेश यादवको अध्यक्षतामा भएको कार्यक्रमको प्रमुख अतिथी नेपाली नियोगका प्रथम सचिव कृष्ण कुमार सुवेदी हुनुहुन्थ्यो ।
यस्तै, गैरआवासीय नेपाली संघ कतारका महासचिब रविन मगर, प्रवासी नेपाली एकता समाजका अध्यक्ष (पानस) तिलक श्रेस्ठ, जनजाती महासंघका सचिव तेजलाल मण्डल, अन्तराष्ट्रिय हेल्प मधेश उपाध्यक्ष कल्याण महतो, मधेश प्रदेश अध्यक्ष नियाश शेख, नेपाली समाजका अध्यक्ष मनिश यादव, प्रवासी नेपाली मञ्चका अध्यक्ष असरफ अलिखान, धनुषा सेवा समाज अध्यक्ष जमिर नदाफ, सबैला सेवा समाजका अध्यक्ष शिव यादवको आथित्यता रहेको थियो । 
इसिलाल पण्डितको सन्चालनमा भएको कार्यक्रममा नेपाली राष्ट्रिय गान एवम् देशका लागि बलिदान दिने ज्ञात अज्ञात सहिदहरुप्रति १ मिनट मौन धारण गरिएको थियो ।
कार्यक्रममा विभिन्न संघ संस्थाका प्रतिनिधिले शुभकामना मन्तव्य दिएका थिए भने कलाकारहरुले सांस्कृतिक कार्यक्रमसमेत प्रस्तुत गरेका थिए ।
शुभभकामनाकै क्रममा अन्तर्रास्ट्रिय हेल्प मधेशका उपाध्यक्ष कल्याण महतोले हेल्प मधेश किन र केका लागि स्थापना भएको हो भन्ने बारे स्पष्ट पार्नु भएको थियो ।
कार्यक्रममा संस्थाका अध्यक्ष रमेश यादवले सबैमा धन्यवाद दिनुभएको थियो ।
