खिमराज चालीसे, चंडिगढ (भारत) ।
मूल प्रवाह अखिल भारत नेपाली एकता समाजका दिवंगत नेत्री रुपा केसीप्रति समाजले श्रद्धाञ्जली अर्पण गरेको छ ।
मूल प्रवाह चंडिगढ नगर समितिले उहाँको मृत्यु भएको १३ औँ दिन ५ अप्रिल २०२४ मा शोक सभा गरी श्रद्धाञ्जली अर्पण गरेको हो ।
स्मृतिशेष रुपा केसीको योगदानबारे चर्चा गर्दै मूल प्रवाह केन्द्रीय सचिव एवम् सुदूरपश्चिमोत्तर क्षेत्रीय अध्यक्ष प्रेम सापकोटाले उहाँको निधनबाट संगठनमा अपूरणीय क्षति पुगेको बताउनुभयो । उहाँले अब शोकलाई शक्तिमा बदल्नुपर्ने धारणा राख्नुभयो ।
श्रद्धान्जली सभामा मूल प्रवाहका केन्द्रीय सल्लाहकार प्रेम आचार्य, प्रवासी नेपाली संघ भारतकी केन्द्रीय नेता मिना पोखरेल, नेपाली जनसम्पर्क समितिका क्षेत्रीय नेता गोविन्द भट्टराईले शोकमन्तव्य दिनु भएको थियो।
कार्यक्रममा अखिल भारत नेपाली एकता मन्च, प्रवासी नेपाली एकता मंच, गोर्खा समाज लगाएतका संघसंस्थाका प्रतिनिधिहरूको उपस्थिति रहेको थियो।
मूल प्रवाहका चंडिगढ नगर अध्यक्ष एवम् रुपा केसीका श्रीमान मान बहादुर केसीको अध्यक्षतामा भएको कार्यक्रमको सञ्चालन नगर सचिव तेज बहादुर रोकाले गर्नुभएको थियो ।
