पोखरा । र्‍यापिड डाइगोनोष्टिक टेष्ट (द्रुत परीक्षण) का क्रममा कोरोना पोजेटिभ देखिएकी बागलुङकी महिलामा कोरोना संक्रमण नभएको पुष्टि भएको छ ।

पोखरामा पीसीआर मेसिनमार्फत स्वाब परीक्षण गर्दा कोरोना नरहेको पुष्टि भएको हो ।आइतबार बागलुङमा परीक्षण गर्दा पोजेटिभ देखिएपछि उनको स्वाब थप परीक्षणको लागि पोखरा ल्याइएको थियो ।

गण्डकी प्रदेश स्वास्थ्य निर्देशनालय पोखराअन्तर्गतको गण्डकी अस्पतालमा गरिएको स्वाब परीक्षणबाट उनमा संक्रमण नभएको पुष्टि भएको स्वास्थ्य निर्देशनालय गण्डकीका निर्देशक विनोदविन्दु शर्माले जानकारी दिए ।

उनका अनुसार प्रदेश स्वास्थ्य निर्देशनालयले अहिलेसम्म प्रदेशभर १७४० जनाको र्‍यापिड टेस्ट गरेको छ । सोमबार मात्रै थप ४०० जनाको परीक्षण गरिएको उनले बताए । उनका अनुसार प्रदेशमा ३७५ जनाको पीसीआर पनि गरिएको छ ।