मुम्बई (भारत) । रोजगारीका लागि भारतको मुम्बईस्थित महाड पुगेका प्युठान ऐरावती–१ सिस्नेरी धनबोट निवासी खिमबहादुर गुरुङको मृत्यु भएको छ ।
मार्च ८, २०२४ देखि हराएका गुरुङको शव मार्च ११ का दिन फेला परेको थियो । स्थानीय प्रशासनले शवको पोस्टमार्टमपछि परिवारलाई जानकारीबिना नै दाहसंस्कार गरेको थियो ।
घटनाको जानकारी मूल प्रवाह अखिल भारत नेपाली एकता समाजलाई भएपछि घटनास्थल र महाड पुलिस प्रशासनमा पुगी छानबिनका लागि जोड दिइएको थियो ।
मृतकको हातमा रहेको फ्रेन्डसिप बेन्डको आधारमा मृतक ऐरावती गाउँपालिका–१ सिस्नेरी धनबोट निवासी सूर्यबहादुर गुरुङका १८ वर्षीय छोरा खिमबहादुर गुरुङको रूपमा पहिचान खुलेको थियो ।
मृतकका दाजु खिमबहादुर गुरुङले मूल प्रवाहलाई दिएको निवेदनको आधारमा केन्द्रीय सदस्य खुमबहादुर पुन र अलिबाग नगर समितिका सदस्य खिमबहादुर गुरुङसहितको प्रतिनिधि टोलीले घटनाको निस्पक्ष छानबिनका लागि पुलिस–प्रशासनलाई दिएको दबाबपछि महाड पुलिस सक्रिए भएको छ ।
