कोटिप्रसाद पोख्रेल, चेन्नई (भारत) ।
चेन्नैमा मूल प्रवाह अखिल भारत नेपाल एकता समाजको एकदिने प्रशिक्षण कार्यक्रम सम्पन्न भएको छ ।
पूर्व, पश्चिम, उत्तर र दक्षिण चेन्नै नगर समितिको संयुक्त आयोजनामा मार्च १७, २०२४ का दिन एकदिने उक्त कार्यक्रम सम्पन्न भएको हो ।
कार्यक्रम दक्षिण भारत क्षेत्रीय सचिवालय सदस्य काशिराम शर्माको अध्यक्षतामा अगाडि बढेको थियो ।
सो अवसरमा उहाँले मूल प्रवाहको भूमिका, सङ्गठनात्मक पद्धति, सङ्गठन र कार्यकर्ताबिचको सम्बन्ध, कार्यकर्ता र जनताबिचको सम्बन्धबारे प्रशिक्षण दिनुभएको थियो ।
त्यस्तै, क्षेत्रीय समितिका सदस्य खगेश्वर सुनारले तात्कालिक राजनीतिक परिस्थिति, राष्ट्रिय/अन्तर्राष्ट्रिय परिस्थिति र मूल प्रवाहले खेल्नुपर्ने भूमिकालगायतका विषयवस्तु राख्नुभएको थियो ।
कार्यक्रममा प्रशिक्षार्थीले उठाएका प्रश्नहरूको उत्तर प्रशिक्षकहरूले दिनुभएको थियो ।
