चन्डिगढ (भारत) । भारतको चन्डिगढमा एक सय चौधौँ अन्तर्राष्ट्रिय श्रमिक महिला दिवस सम्पन्न भएको छ ।
मूल प्रवाह अखिल भारत नेपाली एकता समाजको महिला नगर विभागको आयोजनामा मार्च ८, २०२४ का दिन उक्त कार्यक्रम सम्पन्न भएको हो ।
“एक सय चौधौँ अन्तर्राष्ट्रिय श्रमिक महिला दिवस सफल पारौँ, महिला हिंसा र विभेदका विरुद्ध सङ्घर्ष गरौँ” मूल नाराका साथ सम्पन्न उक्त समारोहमा प्रमुख अतिथि केन्द्रीय सदस्य खिमराज चालिसे रहनुभएको थियो ।
कार्यक्रमलाई केन्द्रीय सदस्य दिनेश खडका, केन्द्रीय सल्लाहकार प्रेम आचार्य, अखिल भारत नेपाली विद्यार्थी सङ्घका केन्द्रीय अध्यक्ष माधव पोख्रेल, केन्द्रीय परिषद् सदस्य थमन थापा र मानबहादुर केसी, सांस्कृतिक विभागका केन्द्रीय सदस्य बिनु नेपाली, क्षेत्रीय सदस्य तेजबहादुर रोका, खेल विभागका पुरन थापा, समता विभागका दुर्गा विक, सांस्कृतिक नगर विभागका अर्जुन विक, महिला क्षेत्रीय सदस्यहरू सीमा खड्का, सरस्वता भुसाल, विष्णु अर्याल, मन्जु विक, कुमारी थापा, हीरा थापा, जमुना खड्का, लक्ष्मी अधिकारी, दिव्या थापाक्षेत्री, माया नेपाली, मीना बन्जाडे, अमृता, पार्वती एमसी, विष्णु विष्टलगायत हुनुहुन्थ्यो ।
माया आचार्यको अध्यक्षतामा तथा जुना चालिसेको सञ्चालनमा सम्पन्न सो कार्यक्रममा स्वागत जीवा गुरुङ र कलाकारहरूले गर्नुभएको थियो ।
कार्यक्रममा गीत, नृत्य, कविता वाचन जस्ता रचनात्मक प्रस्तुति समावेश गरिएको थियो ।
