नयाँदिल्ली । भारतको नयाँदिल्लीमा मूल प्रवाह अखिल भारत नेपाली एकता समाजले २०८० को प्रगतिशील देउसीभैलो समीक्षा कार्यक्रम सम्पन्न भएको छ ।
केन्द्रीय सदस्य शिव केसीको प्रमुख आतिथ्यमा मार्च ३, २०२४ का दिन उक्त कार्यक्रम सम्पन्न भएको हो ।
कार्यक्रमलाई सम्बोधन गर्दै प्रमुख अतिथि केसीले प्रगतिशील देउसीभैलो कार्यक्रमले जनतामाझ जीवित सम्पर्क स्थापित गर्न महŒवपूर्ण भूमिका बताउनुभयो ।
त्यस्तै, केन्द्रीय सल्लाहकार एवम् नगर समितिका अध्यक्ष विनबहादुर कुँवरले आफूहरूले विगतमा मादल झोलामा लुकाएर पनि श्रमजीवी नेपालीको घरदैलोमा प्रगतिशील देउसीभैलो सम्पन्न पारेको स्मरण गर्नुभयो ।
कार्यक्रममा केन्द्रीय सदस्य विक्रमसिंह राणा, परिषद् सदस्य मुक्ति भुसाल, पश्चिमोत्तर क्षेत्रीय समितिबाट पहलसिंह परियार, लक्ष्मी कडायत, विद्यार्थी सङ्घका केन्द्रीय सदस्य सागर खनाल, नयाँदिल्ली नगर समितिका विष्णु खनाल, सीता केसी, विद्यार्थी क्षेत्री समितिबाट इशा खत्री, सांस्कृतिक विभागबाट निरू पुनलगायतलको आतिथ्य रहेको थियो ।
विनबहादुर कुँवरको अध्यक्षता तथा दिनेश पन्थीको सञ्चालनमा अघि बढेको कार्यक्रममा सहभागी सबैलाई शालिकराम पौडेलको स्वागत गर्नुभएको थियो ।
कार्यक्रममा प्रगतिशील सांस्कृतिक कार्यक्रम प्रस्तुत गरिएको थियो । सो अवसरमा कलाकारहरूलाई सम्मानसमेत गरिएको थियो ।
