काठमाडौं । कोरोना भाइरस (कोभिड–१९) को संक्रमण आशंकामा कपिलवस्तु जिल्ला अस्पतालमा उपचाररत एक युवकको मृत्यु भएको छ । उनको कोरोना परीक्षणको नतिजा भने आउन बाँकी छ ।
Advertisement
कपिलवस्तु विजयनगर गाउँपालिका–२, जलैयाका ३० वर्षीय गोवर्द्धन भरको सोमबार राति मृत्यु भएको अस्पतालले जनाएको छ । उनलाई शुक्रबारदेखि अस्पतालको आइसोलेसनमा राखेर उपचार हुँदै थियो ।
भरको स्वाब परीक्षणका लागि बुटवल पठाइएको छ, तर रिपोर्ट आउन बाँकी रहेको कपिलवस्तु अस्पतालका चिकित्सकले बताएका छन्।
रिपार्ट आएपछि मात्र शवलाई परिवारको जिम्मा लगाइने कपिलवस्तु अस्पतालले जनाएको छ।
