काठमाडौं। सरकारले लकडाउन वैशाख ३ गतेसम्म थप गर्ने निर्णय गरेको छ। सोमबार दिउँसो प्रधानमन्त्री निवास बालुवाटारमा बसेको मन्त्रिपरिषद् बैठकले दुई हप्तादेखि जारी लकडाउन वैशाख ३ गतेसम्म थप गर्ने निर्णय गरेको हो।सरकारले योसँगै देस्रोपटक लकडाउनको मिति थप गरेको हो।
त्यस्तै, मन्त्रिपरिषद बैठकले नेपाल राष्ट्र बैंकको गभर्नरमा महाप्रसाद अधिकारीलाई नियुक्त गरेको छ । सोमबार बसेको मन्त्रिपरिषद् बैठकले अधिकारीलाई नियुक्त गरेको हो ।
नेपाल राष्ट्र बैंक ऐनअनुसार बहालवाला गभर्नरको पद रिक्त हुनुअघि नै सूचना जारी गरी नयाँ गभर्नरको नियुक्तिका लागि सिफारिस दिन मन्त्रिपरिषदले समिति गठन गर्नुपर्ने व्यवस्था छ।
सोही अनुसार अर्थमन्त्री डा. युवराज खतिवडाको संयोजकत्वमा रहेको सिफारिस समितिले नयाँ गभर्नरका लागि केशवप्रसाद भट्टराइ, चिन्तामणि सिवाकोटी र महाप्रसाद अधिकारीको नाम सिफारिस गरेको थियो।
उक्त ३ जनामध्ये अधिकारीलाई मन्त्रिपरिषद् बैठकले गभर्नरमा नियुक्त गरेको हो।
