खुम रायमाझी, कुवेत ।
नेपाल पत्रकार महासङ्घ वैदेशिक शाखा कुवेतको अध्यक्षमा राज मल्ल चयन भएका छन् ।
जनवरी २६, २०२४ शुक्रबार सम्पन्न चौथो अधिवेशनले अध्यक्षमा मल्लसहित १३ जनाको कार्यसमिति निर्विरोध निर्वाचित गरेको हो ।
महासङ्घको सचिवमा हरिबहादुर बानियाँ, सहसचिवमा गुलामनबि मन्सुर र कोषाध्यक्षमा सुरेश गुरुङ निर्विरोध चयन भएका छन् ।
त्यस्तै, कार्यसमितिको सदस्यहरू मनोज थापा, प्रेमकुमार जिमी, मानबहादुर तामाङ, विजय धामी, आङकाजी शेर्पा, विजयकुमार तामाङ, जयनारायण थारू माझी र रामकाजी तामाङ चयन भएका छन् ।
पत्रकार महासङ्घका केन्द्रीय महासचिव रोशन पुरीको उपस्थितिमा सम्पन्न उक्त कार्यक्रममा नेपाली राजदूतावास कुवेतका राजदूत घनश्याम लम्सालको प्रमुख आतिथ्यता रहेको थियो भने दूतावासका प्रथम सचिव प्रेमराज गौतम, गैरआवासीय नेपाली सङ्घ कुवेतका अध्यक्ष रणध्वज लामा, आई.सी.सी. सदस्य हरि लावती, एफएनजे कुवेतका संस्थापक अध्यक्ष सुजन केसी, भूतपूर्व अध्यक्ष हरीकृष्ण न्यौपाने, एनआरएनए एन.सी.सी. कुवेतका वरिष्ठ उपाध्यक्ष होमनाथ गिरी, नेपाली जनसम्पर्क समिति कुवेतका सभापति राजेन्द्र रसाइली बिरही, नेपाली जनप्रगतिशील मञ्च कुवेतका अध्यक्ष मनु भुजेल, प्रवासी नेपाली एकता मञ्च कुवेतका महासचिब शङ्कर पौडेल, प्रवासी नेपाली एकता मञ्च (एस) का उपाध्यक्ष टिका पौडेल, अलमुजैनी एक्सचेन्ज कुवेतका नेपाली बजारका मार्केटिङ म्यानेजर राम बस्नेतलगायतको उपस्थिति रहेको थियो ।
कार्यक्रमको अध्यक्षता नवराज पन्थीले गर्नुभएको थियो ।
