वापी (गुजराज, भारत) ।
भारत गुजरातको वापीमा मूल प्रवाह अखिल भारत नेपाली एकता समाजको आयोजनामा पुरुष भलिबल प्रतियोगिता सम्पन्न भएको छ ।
पश्चिम क्षेत्रीय समितिअन्तर्गत पर्ने वापी पश्चिम, वापी पूर्व, सिलवासा र दमन नगर समितिको संयुक्त आयोजनामा सो कार्यक्रम सम्पन्न भएको हो । 
केन्द्रीय सचिव वेदबहादुर कार्कीको प्रमुख आतिथ्यमा सम्पन्न उक्त कार्यक्रममा केन्द्रीयहरू सदस्य गोविन्दबहादुर थापा, रमकला काउछा, कृष्ण कुँवर, श्रीधर शर्मा, टङ्क कुँवर, क्षेत्रीय उपाध्यक्ष बाबुराम दहित, सहसचिव हरि काउछा, सिलवासा नगर समितिका मानबहादुर थापा, दमन नगर अध्यक्ष शेरबहादुर विक, वापी पूर्व नगर अध्यक्ष भूवनसिंह धामी, महिला विभाग पश्चिम भारत क्षेत्रीय संयोजक विष्णुमाया शर्मालगायतको आतिथ्य रहेको थियो ।
आठ टिमको सहभागिता रहेको सो प्रतियोगितामा तारापुर युवा क्लब प्रथम र प्रभु मनि ट्रान्सफर प्रालि वलसाड द्वितीय स्थान प्राप्त गरेको थियो ।
प्रथम टिमलाई प्रमुख अतिथि कार्कीले तथा द्वितीय टिमलाई केन्द्रीय सदस्य गोविन्दबहादुर थापाले सिल्ड मेडल र प्रमाणपत्र हस्तान्तरण गर्नुभएको थियो ।
निखिल रावतको अध्यक्षता तथा देवेन्द्र रावलले सञ्चालनमा अघि बढेको सो कार्यक्रममा प्रविनसिंह काउछाले स्वागत गर्नुभएको थियो ।
