बेलबहादुर रजाली ।
नयाँदिल्लीको ओखलामा मूल प्रवाह अखिल भारत नेपाली एकता समाजको नगर समिति पुनर्गठन गरिएको छ ।
केन्द्रीय उपाध्यक्ष कपिल खनालको प्रमुख आतिथ्यमा जनवरी २६, २०२४ का दिन आयोजित भेलामाझ उक्त समिति गठन गरिएको हो ।
भेलाले तिलक पाण्डे अध्यक्ष रहनुभएको नौ पूर्ण र तीन वैकल्पिकसहित १२ सदस्यीय नगर समिति गठन गरेको छ ।
समितिको उपाध्यक्ष, सचिव, सहसचिव र कोषाध्यक्षमा क्रमशस् केशव थापा, अर्जुन केसी, विशाल श्रेष्ठ र नरबहादुर रेश्मी रहनु भएको छ ।
त्यस्तै, सदस्यहरूमा प्रवीण गुरुङ, दिलबहादुर राहु, मानबहादुर चौहान र ज्ञानबहादुर केसी रहनु भएको छ ।
भेलाले वैकल्पिक सदस्यहरूमा गोपाल चौधरी, वसन्त थापा र प्रतिमान आलेलाई चयन गरेको छ ।
मूल प्रवाहका पश्चिमोत्तर क्षेत्रीय सदस्य पिनु थापाको विशेष उपस्थित रहेको उक्त भेलाको अध्यक्षता प्रवीण गुरुङले, सञ्चालन तिलक पाण्डेले र स्वागत मन्तव्य कृष्ण कुँवरले गर्नुभएको थियो ।
