बागलुङ । राष्ट्रिय जनमोर्चा काठेखोला गाउँसमितिले दैनिक उपभोग्य वस्तुको आपुर्ती सहज बनाउन आग्रह गरेको छ ।

बिहीबार एक अपिल प्रकासित गरी राजमो काठेखोलाले लकडाउनको अवस्थामा दैनिक उपभोग्य सामान पाउन असहज भएको भन्दै त्यसको सहज व्यवस्थापनका लागि आग्रह गरेको हो । राजमोले कोरोना संक्रमण फैलन नदिन सजगता अपनाउन पनि सबैसँग अपिल गरेको छ ।

गाउँसमितिका अध्यक्ष लक्ष्मण पुनले जारी गरेको अपिलमा यसको रोकथाम तथा नियन्त्रणका लागि लागिपरेका स्वास्थ्यकर्मी, सुरक्षाकर्मीलगायत स्थानीय जनप्रतिनिधप्रति आभार प्रकट गर्दै अझ राम्रो व्यवस्थापनका लागि आग्रह गरिएको छ ।