काठमाडौं । रुसी सेनामा भर्ती भएका एक नेपाली युवाको ज्यान गएको छ । लमजुङको दुधपोखरी गाउँपालिका साजन गुरुङको रुस–युक्रेन युद्धमा परी मृत्यु भएको हो ।

साजन बुवा श्रीमान गुरुङका अनुसार उनी वैदेशिक रोजगारीका लागि भन्दै गत भदौ पहिलो हप्ता विदेश उडेका थिए।

साजन खाडी मुलुकमा जान्छु भनेर रुस गएको उनले बताए । खाडी मुलुक जान्छु भनेर हिँडेका साजन रुसी सेनामा भर्ति भएको जानकारी परिवारले असोजमा मात्र पाएको थियो।

युक्रेनको आक्रमणका परी साजनको मृत्यु भएको खबर जर्मनीमा रहेका उनका भाइ कुमारले दिएका थिए।

साजन सत्तारुढ नेकपा (माओवादी)का भातृ संगठन वाईसीएलका गाउँपालिका अध्यक्ष थिए भने साजनका बुबा श्रीमान हाल माओवादी केन्द्रका लमजुङ जिल्ला सदस्य छन्।

साजनसमेत गरी रुस–युक्रेन युद्धमा ज्यान गुमाउने नेपालीको सख्या १२ पुगेको छ।