पोखरा । पोखराको मणिपाल शिक्षण अस्पतालमा उपचाररत रक्तिम सांस्कृतिक अभियानका पूर्व उपाध्यक्ष दलबहादुर विकलाई अखिल (छैठौं) ले सहयोग रकम हस्तान्तरण गरेको छ ।

शनिबार अस्पताल पुगेर अखिल (छैठौं) का केन्द्रीय उपाध्यक्ष गणेश अधिकारीले विकलाई १३ हजार पाँच सय रुपैयाँ हस्तान्तरण गरेको जानकारी दिनुभएको छ ।

अखिल (छैठौं) ले थप रकम जुटाउने प्रतिवद्धतासहित सहयोगका लागि सबैसँग अपिल पनि गरेको छ । यस्तै, उहाँलाई थप केही व्यत्ति र संस्थाले पनि सहयोग गरेका छन् ।

तीन दिन अघि अकस्मात बिरामी हुनुभएका विकलाई उपचारका लागि मणिपाल अस्पतालमा भर्ना गरिएको छ ।

विस. २०४८ सालको चर्चित बागलुङ जैमिनीघाटकाण्डमा ज्युँदै पोलिएका विक प्रगतिशील सांस्कृतिक फाँटमा निरन्तर समर्पित रहनुभएको छ ।