महाकालीमा भारतीय गतिविधि रोक : मसाल

मङ्गलबार, मङि्सर २०, २०७९ मा प्रकाशित

काठमाडौं । नेपाल कम्युनिस्ट पार्टी(मसाल) ले भारतीय पक्षबाट दार्चुलामा भइरहेको बलमिच्याइँ रोक्न सरकारसँग माग गरेको छ ।

प्रवक्ता रामप्रकाश पुरीले मंगलबार प्रेस वक्तव्य जारी गर्दै भारतले महाकालीमा बनाइरहेको तटबन्ध रोक्न माग गर्नुभएको छ । साथै, भारतीय पक्षद्वारा नेपालीमाथि भएको ढुंगा प्रहारको घटनाप्रति मसालले भर्त्सना गरेको छ ।

विज्ञप्तिमा भनिएको छ, ‘दार्चुला जिल्लाको सदरमुकाम खलङ्गास्थित बाङ्गाबगडमा नेपालको भूभाग र वस्ती जोखिममा पर्ने गरी भारतले एकतर्फी बनाएको तटबन्धको हामीले विरोध गर्दछौँ । त्यस क्रममा भारतको उक्त कार्यको विरोधमा उत्रिएका नेपालका स्थानीयमाथि भारतीय पक्षबाट भएको ढुङ्गा प्रहारबाट घाइते भएका नेपालीहरुको शीघ्रस्वास्थ्य लाभको कामना गर्दछौँ । भारतीय पक्षबाट भएको त्यस प्रकारको कार्यको हामीले विरोध र भ्रत्र्सना गर्दै त्यहाँ उत्पन्न समस्यालाई समाधान गर्नका लागि सरकारले तुरुन्त कदम उठाउनुपर्नेमा हामीले जोड दिन्छौँ ।’