उर्मिला पुन मगर, पोखरा ।
रक्तिम सांस्कृतिक अभियान कास्कीको जिल्ला भेला शनिबार पोखरामा सम्पन्न भएको छ । भेलाले प्रेम बिकको अध्यक्षतामा ९ सदस्यीय जिल्ला समिति चयन गरेको छ ।
समितिको उपाध्यक्ष, सचिव, सहसचिव र कोषाध्यक्षमा क्रमसः शेर बहादुर बुढा, सुजन थापा, लक्ष्मी अर्गेजा र युमाया थापा चयन हुनुभएको छ । सदस्यहरुमा उर्मिला पुन, किरण बुढा, प्रगती रेग्मी र नमुना श्रिष रहनुभएको छ । भेलाले दिलेन्द्र बुढालाई सल्लाहकार चयन गरेको छ ।
कार्यक्रममा बोल्दै प्रमुख अतिथि नेपाल कम्युनिष्ट पार्टी (मसाल) कास्कीका प्रवक्ता चन्द्र बहादुर केसीले रक्तिम अभियानले गीत संगीतको माध्यमबाट पार्टीको बिचार जनता माझ लगिरहेको भन्दै थप सशक्त रुपमा संगठन निर्माण र परिचालन गर्न आग्रह गर्नुभयो ।
यस्तै, राष्ट्रिय जनमोर्चा जिल्ला अध्यक्ष रबिमोहन ढकालले संसारको जुनसुकै शासकले पनी आफ्नो सत्ता लम्ब्याउन गित संगीत र कलाकारको प्रयोग गरेको स्मरण गराउँदै हजारौं पत्र पत्रिका र बैचारिक बहसले पनि सचेत गराऊन नसकेका जनतालाई गीत संगीतको माध्यमबाट रक्तिम अभियानले सचेत बनाएको र अझ प्रभावकारी रुपमा आफ्नो भूमिका बढाउन आग्रह गर्नुभयो ।
कार्यक्रममा अखिल नेपाल युवक संघका केन्द्रीय सदस्य एवम् जिल्ला अध्यक्ष बिक्रम थापा, अखिल (छैठौं) केन्द्रीय सदस्य एवम् बागलुङका अध्यक्ष इन्द्रमणी पाण्डे, अखिल नेपाल ट्रेड युनियन महासंघ (अन्टुक)का केन्द्रीय सदस्य नामबहादुर बाठा मगर लगायतले शुभकामना दिनुभएको थियो ।
रक्तिम सांस्कृतिक अभियानका केन्द्रीय सदस्य दान बहादुर सारुले निर्वाचित समितिलाई बधाई दिनु भएको थियो । कार्यक्रममा अभियानका पूर्व केन्द्रीय सदस्य बिमल पाण्डे, युवक संघका लक्ष्मण ढुंगाना लगायतको उपस्थिति रहेको थियो ।
प्रेम बिकको अध्यक्षता तथा दिलेन्द्र बुढाको सञ्चालनमा अघि बढेको कार्यक्रममा सेर बहादुर बुढाले स्वागत गर्नुभएको थियो ।
