जापान । लोकगायिका अमृता श्रीपालमाथि जापानमा दुर्व्यवहार भएको छ ।

जापानको ओसाका, कोबेस्थित धौलागिरी दोहोरी साँझमा साँगीतिक प्रस्तुतिको लागि आएकी अमृताले आफूलाई निमन्त्रणा गरेकै व्यक्तिले विभिन्न शारीरिक तथा मानसिक यातना दिएको बताएकी छन् ।

राष्ट्रिय लोक तथा दोहोरी प्रतिस्ठान नेपाल, जापान शाखाले सो सम्बन्धी उजुरी आफ्नो संस्थामा आएको भन्दै सत्य तथ्य बाहिर ल्याउने जनाएको छ ।

‘यस विषयमा विभिन्न सञ्चार माध्यमबाट आएको समाचार र संघ संस्थाले जारि गरेको विज्ञप्ति जस्तै प्रतिष्ठान जापान शाखा पनि निवेदन आएकै दिनदेखि सत्यतथ्य पत्ता लगाउन दुवै पक्षसँग निरन्तर छलफल गरिरहेको र यथासक्य समस्या समाधान गर्नको लागि प्रयासरत रहेको जानकारी गराउँदछौँ’ प्रतिष्ठानले विज्ञप्ति प्रकाशित गरी भनेको छ ।