काठमाडौँ । सरकारले सरकारी कर्मचारीको तलब १५ प्रतिशतले बढाएको छ। बढेको तलब कर्मचारीले साउन १ देखि पाउनेछन्।
चालू आर्थिक वर्षमा पनि सरकारले कर्मचारीको तलब २ हजार रुपैयाँ बढाएको थियो। यसअनुसार मुख्यसचिवको तलब ६७ हजार १४० भत्तासहित ७१ हजार ६१६ रुपैयाँ थियो।
अब मुख्य सचिवको तलब ७७ हजार २११ पुगेको छ ।
त्यस्तै सचिवको ६२ हजार ६८० भत्तासहित ६६ हजार ८६० रुपैयाँ, सहसचिवको ४९ हजार ३८० भत्तासहित ६० हजार ९०२ रुपैयाँ, उपसचिवको ४२ हजार ३८० भत्तासहित ५३ हजार ६८४ रुपैयाँ, शाखा अधिकृतको तलब ३७ हजार ९९० भत्तासहित ४८ हजार १२६ रुपैयाँ रहेको थियो।
अर्थ मन्त्रालयले गत साउनमा तोकेको तलबमा र सुविधाअनुसार प्रधानसेनापतिको तलब ६७ हजार १४० मा भत्तासहित ७१ हजार ६१६ रुपैयाँ, प्रहरी महानिरीक्षकको तलब ६२ हजार ६८० भत्तासहित ६६ हजार ८६० रुपैयाँ रहेको छ।
शिक्षकहरुको माध्यमिक तह (प्रथम श्रेणी) तलब ४९ हजार ३८० भत्तासहित ५९ हजार २५६ रुपैयाँ, निम्न माध्यमिक तह (प्रथम श्रेणी)को ३९ हजार ८८० भत्तासहित ५० हजार ५२० रुपैयाँ रहेको थियो।
प्राथमिक तह (प्रथम श्रेणी) ३७ हजार ९९० भत्तासहित ४८ हजार १२६ रहेकामा अब माथिका यी सबै तलबमानमा १५ प्रतिशत वृद्धि हुनेछ।
