गिरीप्रसाद बुढा, रुकुम पश्चिम ।
राप्ती साहित्य परिषद जिल्ला शाखा रुकुम पश्चिमको आयोजनामा १५ औं गणतन्त्र दिवस तथा ९३ औं रुकुम साहित्यमाला कार्यक्रम मुसिकोट नगरपालिका स्थित जनविकास पुस्तकालयको सभाहलमा सम्पन्न भएको छ ।
राप्ती साहित्य परिषद् जिल्ला शाखा रुकुम पश्चिमका अध्यक्ष मनलाल ओलीको अध्यक्षता भएको कार्यक्रमको प्रमुख अतिथि मुसिकोट नगरपालिकाका नव निर्वाचित प्रमुख महेन्द्र केसी र विशेष अतिथि उपप्रमुख विमल कुमार पुन तथा प्रगतिशील लेखक संघ, नेपालका केन्द्रीय सचिव गिरिप्रसाद बुढा हुनुहुन्थ्यो।
कार्यक्रममा मुसिकोट नगरपालिका वडा नं १ का वडाअध्यक्ष ज्ञानु चन्द, ५ का अध्यक्ष समिरजंग मल्ल, जनविकास पुस्तकालयका अध्यक्ष मिन बहादुर पुन, मुसिकोट बहुमुखी क्याम्पसका पूर्वक्याम्पस प्रमुख मुकुन्द प्रसाद शर्मा, उपप्राध्यापक हरिविष्णु ओली, त्रि.ज. माविका प्रअ हरिप्रसाद खनाल, राप्ती साहित्य परिषद् जिल्ला शाखा रुकुम पश्चिमका सल्लाहकार मेघराज खड्का, प्रलेस रुकुम पश्चिमका उपाध्यक्ष विरबहादुर केसी, समाज सेवी रमा गौतम, साहित्यकार एक्क बहादुर केसी, साहित्यकार प्रमोदकुमार शर्मा लगायतको आतिथ्यता रहेको थियो ।
राष्ट्रिय गान, सहीदहरुप्रति मौन धारण, नवनिर्वाचित जनप्रतिनिधीहरुलाई बधाइ तथा सम्मानसहित अगाडि बढेको सो कार्यक्रममा करिब दर्जन भन्दा बढी स्रष्टाहरुले गणतन्त्र विशेष रचनाहरु वाचन गरेका थिए ।
यसैगरि यस कार्यक्रममा आफ्नो ४६ औं जन्मदिन परेको अवसरमा वडा नं ५ का वडा अध्यक्ष समिरजंग मल्लले राप्ती साहित्य परिषद जिल्ला शाखा रुकुम पश्चिमलाई सहयोग स्वरुप पाँचहजार पाँच रुपैयाँ नगद प्रदान गर्नु भएको थियो ।
कार्यक्रमा नगरप्रमुख, उपप्रमुख लगायतका अतिथिहरुले प्रतिवद्धता सहितको मन्तव्य राख्नु भएको थियो ।
परिषद्का कोषाध्यक्ष प्रमोदकुमार शर्माको स्वागत मन्तव्य रहेको कार्यक्रमको सञ्चालन परिषद्का सचिव ओमबहादुर खत्रीले गर्नुभएको थियो ।
