काठमाडौं । रक्तिम सांस्कृतिक अभियानका केन्द्रीय उपाध्यक्ष मानबहादुर भण्डारीलाई पितृशोक परेको छ । बाँकेकाे खजुरा निवासी भण्डारीका पिता हिराबहादुर भण्डारीको ६८ वर्षको उमेरमा बुधबार हृदयघातका कारण निधन भएको छ ।

सधैँजस्तै कामबाट घर फर्किएका भण्डारीलाई बुधबार दिउँसो छाती दुख्न थालेपछि अस्पताल लगिएको थियो । तर, अस्पताल पुर्याउनासाथ डाक्टरले मृत घोषणा गरेका थिए । पारिवारिक स्रोतका अनुसार भण्डारीलाई खास कुनै रोग थिएन ।

रक्तिम सांस्कृतिक अभियानले उहाँको निधनप्रति दुःख प्रकट गरेको छ । अभियानका महासचिव जीवन शाहीले प्रेस विज्ञप्ति प्रकासित गरी भण्डारीको असामयिक निधनको खबरले मर्माहत बनाएको बताउनुभएको छ ।

मृतकप्रति हार्दिक श्रद्धाञ्जली अर्पण गर्दै विज्ञप्तिमार्फत शोकाकुल परिवारजनप्रति समवेदना प्रकट गरिएको छ ।