काठमाडौं । बागलुङको बडीगाड– ७ कोप्चेमा मंगलबार जिप दुर्घटना हुँदा मृत्यु भएका सबै १४ जनाको पहिचान खुलेको छ । दुर्घटनामा तीन जना गम्भीर घाइते भएका छन् भने एकजना बेपत्ता छन् ।
दुर्घटनामा ज्यान गुमाउनेमध्ये अधिकाशं गुल्मीको इस्मा गाउँपालिकाका रहेका छन्। इस्मा गाउँपालिका–४ दोहोलीबाट बागलुङको निसिखोला गाउँपालिका बायोखोलामा दिवाली पूजाको लागि हिँडेको ग १ ज ५२१९ नं को जीप दुर्घटनामा परेको हो ।
जिपमा सवार १८ जनामध्ये चालक इस्मा गाउँपालिका– ५ का २५ वर्षीय रेशम थापा, यात्रुहरु इस्मा गाउँपालिका–५ का ४० वर्षीया बसुन्धरा कार्की, सोही स्थानका २३ वर्षीया माया थापा, ४० वर्षीया सिता कार्की, ४८ वर्षीया भुमी कार्की, ४५ वर्षीया मिना कार्की, ४० वर्षीय झवी कार्की, धन बहादुर कार्की, तुल्सी कार्की, नवलपरासी बर्दघाटका भुमा कार्की, बागलुङ बडिगाड–५ का लक्ष्मी केसी इस्मा गाउँपालिका–४ की सुचना कार्की, २ वर्षीया बालिका अनुशा कार्कीको मृत्यु भएको छ ।
राजमो बाग्लुङद्वारा दुःख प्रकट
दुर्घटनाप्रति राष्ट्रिय जनमोर्चा बाग्लुङले दुःख प्रकट गरेको छ । राजमो बाग्लुङका सचिव भिमलाल पोखरेलले मंगलबार विज्ञप्ति प्रकासित गरी मृत्यु हुनेहरु प्रति श्रद्धाञ्जली अर्पण र शोकाकुल परिवारजनमा समवेदना व्यक्त गर्दै घाइतेहरुको स्रिघ स्वास्थ्य लाभको कामना गर्नुभएको छ ।
