टेकराज भुसाल (टेकु), बुटवल ।
राष्ट्रिय जनमोर्चाका केन्द्रीय उपाध्यक्ष बद्रे आलमले भारतले नेपाललाई पनि सिक्किम जस्तै गरी भारतमा गाभ्ने षडयन्त्र गरिरहेको बताउनुभएको छ । राष्ट्रिय जनमोर्चा तिलोतमा नगर समितिको आयोजनमा सिमरा बजार र टिकुलिगढमा सोमबार भएको बिरोध सभामा बोल्दै उपाध्यक्ष आलमले यस्तो अवस्थामा सचेत नेपाली चुप लागेर बस्न नसक्ने बताउनुभयो ।
तराई मधेश जनवादी मोर्चाका अध्यक्षसमेत रहनुभएको आलमले भन्नुभयो, अब देश बचाउन नयाँ राष्ट्रिय आन्दोलनको खाँचो छ । सबै देशभक्त नेपाली त्यो आन्दोलनमा सरिक हुनुपर्दछ ।
कार्यक्रममा नेकपा (मसाल) रुपन्देहीका प्रवक्ता नारायण जिसी, राष्ट्रिय जनमोर्चा रुपन्देहीका सचिव टानबहादुर केसी, तिलोतमा नगरपालिका राजमो अध्यक्ष रुक बहादुर पराजुलीलगायत नेताहरुले बोल्दै भारतीय हेपाहा प्रवृतिको विरोधमा एक जुट हुपर्ने बताउनुभयो । वक्ताहरुले सरकारले समयमा कुटनीतिक रुपमा समस्याको समाधन नगरेमा आन्दोलन चर्काउने चेतावनी समेत दिनुभएको थियो ।
कार्यक्रममा रक्तिम सांस्कृतिक अभियानका कलाकारले विभिन्न जनवादी गीत तथा नृत्य प्रस्तुत गर्नुभएको थियो । ।
