बुटवल । प्रगतिशील लेखक संघ रुपन्देहीले आफ्नो नवौँ जिल्ला सम्मेलन गर्ने भएको छ । यही फागुन २१ गते नवौँ सम्मेलन गर्ने तयारी गरिएको प्रलेस रुपन्देही अध्यक्ष दलबहादुर गुरुङले जानकारी गराउनुभएको छ ।

प्रगतिशील लेखक संघ केन्द्रले दिएको समयमा आयोजना गरिएको नवौँ जिल्ला सम्मेलन बुटवल उपमहानगरपालिकाको सभाहल हुनेछ । प्रलेस रुपन्देहीको १४ औँ बैठकको निर्णय अनुसार सम्मेलन आयोजना गरिएको हो ।

प्रलेस रुपन्देहीले आआफ्नो सदस्य नविकरण सबैलाई आग्रह गरेको छ । प्रगतिशील लेखकीय क्षेत्रमा वा विभिन्न बिद्यामा कलम चलाउनेहरुका लागि नयाँ सदस्य उपलब्ध गराउन खुल्ला गरिएको छ ।

सम्मेलनको अघिल्लो दिन वा फागुन २० गते भित्र नयाँ सदस्यका लागि सदस्यता खुलाइएको सचिव श्यामलाल पोखरेलले जानकारी गराउनुभयो । सम्मेलनबाट नयाँ नेतृत्व चयन गरिने छ ।